2020 jyly alǵash ret «Abai» jáne «Ál-Farabi» memlekettik syilyqtary tabys etiledi. Bul týraly búgin Abaidyń 175 jáne Ál-Farabidiń 1150 jyldyq mereitoilaryn daiyndaý jáne ótkizý jónindegi memlekettik birikken komissiia otyrysynda belgili boldy, dep habarlaidy "Ult aqparat".
Komissiia otyrysynda jazýshy Rollan Seisenbaev «Abai» jáne «Ál-Farabi» memlekettik syilyqtaryn taǵaiyndaýdy usynǵan edi.
«Abai jyly bolǵandyqtan «Abai» syilyǵyn berý kerek. Ol úlken, myqty syilyq bolsyn. Ǵalymdarǵa «Ál-Farabi» syilyǵyn berý qajet. Bul Abai men Ál-Farabiǵa túkte qajet emes. Ol bizge kerek», - dedi jazýshy.
Osy oraida, otyrysqa tóraǵalyq etip otyrǵan QR Memlekettik hatshysy Qyrymbek Kósherbaev Memleket basshysynyń tarapynan bul baǵytta arnaiy tapsyrmanyń bolǵanyn aitty.
«Prezident Qasym-Jomart Toqaev bizge kelesi jyly mindetti túrde «Abai» atyndaǵy jáne «Ál-Farabi» atyndaǵy memlekettik syilyqtar tapsyrý týraly tapsyrma berdi. Sizdiń oilaǵan oiyńyzdy Prezident bizge naqty tapsyrma retinde bergen. Sondyqtan bul másele ózi sheshimin taýyp otyr», - dedi Q.Kósherbaev.
