Foto: QR OAM
QR Oqý-aǵartý ministri Ǵani Beisembaevtyń málimdeýinshe, Almatydaǵy alǵashqy ulttyq mektep – Abai Ulttyq mektebiniń jańa ǵimaratynyń qurylysy máresine jetip qaldy, dep habarlaidy Ult.kz.
Mektep Memleket basshysynyń tapsyrmasymen salynýda. Burynǵy Abai atyndaǵy respýblikalyq mamandandyrylǵan qazaq tili men ádebietin tereńdetip oqytatyn mektep-internat búginde jańa ataýymen qaita jańǵyrtyldy.
Oqý ordasynyń tarihy 1950-jyldardan bastaý alady. Osy ýaqyt aralyǵynda bilim ordasy talai óner, qoǵam jáne memleket qairatkerlerin tárbielep shyǵarǵan. Ministrdiń aitýynsha, jańa ǵimarat tek zamanaýi bilim berý ortalyǵy ǵana emes, ozyq baǵdarlamalar men ádistemeler ázirlenetin halyqaralyq ziiatkerlik alańǵa ainalady.
«Abai Ulttyq mektebi – ulttyq qundylyqtyń qýatyn bolashaqtyń serpinimen ushtastyra alatyn jańa býyn kóshbasshylaryn qalyptastyratyn qasietti bilim ordasy bolady dep senemin», – dedi Ǵani Beisembaev.
Búginde elimizde 200-ge jýyq bilim mekemesi aqyn esimin ielense, Túrkiiada da eki mektep Abai atynda jumys isteidi. Bolashaqta Abai Ulttyq mektebi osy bilim ordalarynyń ádistemelik jáne ǵylymi úilestirýshi ortalyǵyna ainalýy kózdelip otyr.
