Qazaqtyń uly aqyny jáne oishyly Abai týraly film túsirý konkýrsyna qatysýǵa alty adamnan ótinish tústi, dep habarlaidy Ulttyq kinony qoldaý memlekettik ortalyǵy.
«Ulttyq kinony qoldaý memlekettik ortalyǵy «Abai» derekti filmin, sonymen qatar tolyq metrajdy kartina túsirýge daiyndalyp jatyr. Ol úshin konkýrs jariialandy. 2020 jyldyń qańtar aiynyń sońyna deiin barlyq túsken ótinishter qaralyp, Saraptamalyq keńestiń qorytyndysy boiynsha vedomstvoaralyq komissiiaǵa qosymsha qaraý úshin jiberiledi. Komissiia músheleri sheshim shyǵarady», - dedi UKQMO óndiris boiynsha basqarma tóraǵasynyń orynbasary Oljabai Musabekov.
Onyń aitýynsha, film komissiia músheleriniń usynystaryna sáikes tańdalyp, túsiriledi.
«Búgingi tańda konkýrsqa qatysýǵa alty ótinim kelip tústi, onyń ishinde film-opera, eki tarihi melodrama, 30 seriiadan turatyn derekti film, 15 seriialy qysqametrli film jáne taǵy bir tolyqmetrajdy film bar. Qosymsha ótinimderdi kútemiz. Meniń oiymsha, qańtardyń sońyna deiin budan da kóp usynystar bolady», - deidi ol.
Ortalyq Qazaqstan aqyn, filosof, aǵartýshy jáne oishyl – uly Abaidyń 175 jyldyǵyn atap ótýge daiyndalyp jatqanyn aitty. Mereitoilyq merekeler Qazaqstan Prezidenti Qasym-Jomart Toqaevtyń baqylaýynda. Memleket basshysy qurylǵan komissiiaǵa IýNESKO men Halyqaralyq Túrki mádenieti uiymynyń qoldaýymen Qazaqstanda jáne odan tys jerlerde 500-ge jýyq merekelik is-shara uiymdastyrýǵa daiyndyqty bastaýdy tapsyrdy.
Eske sala ketsek, buǵan deiin Abaidyń 175 jyldyq mereitoiyna qandai is-sharalar josparlanǵanyn jazǵan bolatynbyz.
