Qaraǵandy oblysynyń Densaýlyq saqtaý basqarmasynda «Abai» shahtasyndaǵy apattan zardap shekken 2 kenshiniń jaǵdaiy týraly aitty, dep habarlaidy QazAqparat.
«7 qarashada professor H.J. Maqajanov atyndaǵy kópsalaly aýrýhanaǵa 1960 jáne 1963 jyldary týǵan shahtanyń eki qyzmetkeri tústi. Diagnoz – toksikogipoksiialyq entsefalopatiia. Naýqastar jansaqtaý bóliminde. Klinika dárigerleri barlyq qajetti meditsinalyq kómek kórsetýde», - dedi Qaraǵandy oblysy Densaýlyq saqtaý basqarmasynyń baspasóz qyzmetinen.
Eske salaiyq, 7 qarasha kúni saǵat 08:37-de «ArselorMittal Temirtaý» AQ Kómir departamentiniń «Abai» shahtasynda tótenshe jaǵdai oryn aldy. Apat kezinde shahtada barlyǵy 64 adam bolǵan. 56 adam ózderi jer betine shyqqan. Metan gazy taraǵan 3-K10 kenjarynda segiz adam qalǵan. Altaýy qaza taýyp, ekeýi zardap shekti, olardyń jaǵdaiy aýyr.
Óndiris protsesi toqtatyldy. Oqiǵanyń mán-jaiy men sebepteri anyqtalýda.
