Biyl Abaidyń 1889 jyly jazǵan 10 óleńine 130 jyl tolady. Osyǵan qarai búgin QR Ulttyq akademiialyq kitaphanasynda «Abai poeziiasyna 130 jyl» taqyrybynda dóńgelek ústel ótedi, dep habarlaidy kitaphananyń baspasóz qyzmeti.
Atalmysh is-shara barysynda ǵalym-abaitanýshylar sóz sóilep, uly aqynnyń búgingi jáne erteńgi kúnniń beinesi bolyp tabylatyn taqyryptar men shyǵarmalarynyń siýjetteri talqylanyp, taldaý jasalady.
Atap aitqanda, «Esińde bar ma, jas kúniń», «Júregim meniń qyryq jamaý», «Adam bir boq kótergen boqtyń qaby», «Kúshik asyrap it ettim», «Súisine almadym, súimedim», «Dútbaiǵa» (Jylýy joq boiynyń), «Nurly aspanǵa tyrysyp óskensiń sen», M. Lermontovtan aýdarǵan «Jalaý», «Jartas» jáne «Júrekte kóp qazyna bar bári jaqsy» atty óleńderi bar.
«Dana Abaidyń týyndylarynyń árqaisysy jeke zertteýge, arnaiy kósilip jazýǵa suranyp turǵan rýhani qazyna. Abai óleńderiniń mańyzy óte zor, onda aqynnyń búkil ómiri beinelengen, jarqyn bolashaǵy men armandary týraly baiandalady. Onyń ýaiymdatqan máseleleri qazirgi zamanǵa sai keledi. Adamdardy adamgershilik, imandylyq, gýmanizm jáne beibitshilik máseleleri áli kúnge deiin alańdatyp keledi. Bul aqynnyń kórkem sóziniń qudireti. Abaidyń shyǵarmashylyǵy tańǵajaiyp kúsh, keremet tereńdik pen jan-jaqty bolyp keledi»,-dep jazady kitaphana ókilderi.
Is-sharaǵa abaitanýshy, ǵalym, filologiia ǵylymdarynyń doktory, professor Mekemtas Myrzahmetuly, abaitanýshy, memleket qairatkeri, saiasi ǵylymdarynyń doktory, professor Ábdijálel Bákir, aqyn, abaitanýshy Almahan Muhametqaliqyzy, filologiia ǵylymdarynyń kandidaty Erbol Tileshov, aqyn, filologiia ǵylymdarynyń doktory Saǵymbai Jumaǵulov, aqyn, abaitanýshy, «Shabyt» halyqaralyq festivaliniń laýreaty Yqylas Ojaiuly jáne t.b. qatysady.
