Abaidyń memlekettik qoryq-murajaiy «EKSPO-2017» kórmesine erekshe tartý ázirlep otyr.
Danyshpan aqynnyń qazaq, orys, aǵylshyn jáne qytai tilderinde jaryq kórgen óleńder jinaǵy sheteldik qonaqtarǵa kádesyi retinde usynylmaq. Bul toptamanyń ereksheligi saiahatshylar úshin qolǵa ustap júrýge qolaily. Jinaqqa Abaidyń keń taralǵan 62 óleńi engen. Jergilikti «Semei-kórkem» baspahanasynan shyqqan kitaptyń taralymy – 2 myń dana.
Abai murajaiy halyqaralyq kórmege arnaiy ekspozitsiia da daiyndap jatyr. Ol úshin qyzmetkerler aǵylshyn tilin meńgerip aldy.
«Qytai tilinde shyqqan jinaqtyń ereksheligi munda abaitanýshy, aýdarmashy, Abaidyń ómirin zerttep júrgen Habaidyń aýdarmalary kirgizildi. Aǵylshyn jáne orys jinaqtarynda buǵan deiin aýdarylǵan aýdarmashylardyń óleńderi engizildi. Ár óleńniń astynda sol aýdarmashylardy kórsetip otyrmyz», - deidi Abai murajaiynyń bólim meńgerýshisi Shynar Sadyqova.
«Murajaidy aralap kórip, danyshpan aqyn jaiynda kóptegen derekke qanyqtym. Al Abai óleńderin aǵylshyn tilinde oqyp kórip em, janym rahattanyp, boiymdy asyl sezim biledi. Bul jyrlar adamdy izgilikke shaqyryp, tereń oi tuńǵiyǵyna jeteleidi eken», - dep atap ótti Úndistan azamaty Kiama Ngangom.
24.kz
