Amanat partiiasy jastar qanaty Shyǵys Qazaqstan oblystyq filialynyń tóraǵasy Almas Aitmuqash Memleket basshysynyń Qazaqstan halqyna arnaǵan Joldaýyna qatysty pikir bildirdi, dep habarlaidy QazAqparat.
«Prezidenttiń bul Joldaýynda jańa saiasi reformalardyń jáne aldaǵy ýaqytta júzege asyrylatyn áleýmettik-ekonomikalyq baǵdarlamalardyń oryndalýy týraly aityldy. El halqy kópten kútken Joldaý bolǵany sózsiz. Sebebi bul Joldaýdyń mazmuny men jaýapkershiligi asa joǵary. Onda halyqtyń múddesi, eldiń erteńi, memlekettiń bolashaǵy saralandy. Qasym-Jomart Toqaev «Biz bul ózgeristerdi jurtqa jaqsy kóriný úshin jasamaimyz. Qaǵaz betinde ǵana júzege asyrylǵan, biraq shyndyqqa esh janaspaityn jalǵan tabystarǵa masattanyp otyratyn zaman kelmeske ketti» dedi. Prezidenttiń elge ózgeris, halyqqa jaily jaǵdai kerektigin jaqsy túsinip otyrǵany anyq», - deidi Almas Aitmuqash.
Óz sózinde ol Qasym-Jomart Toqaevtyń el janynan tabylyp, babalar amanatyna asa jaýapkershilikpen qaraitynyna senim bildirdi.
«Memleket basshysy Semei aimaǵynda Abai oblysy qurylyp, Semei qalasy jańa oblystyń ortalyǵy bolatyndyǵyn aitty. Bul halyq únine qulaq asatyn biliktiń aiqyn kórinisi. Bul usynys Semei jurtshylyǵyn qýantyp otyr. Endi shahardyń áleýmettik-ekonomikalyq turǵydan damýyna serpin beriletinine senimim mol. El basyna kún týǵan zamanda Prezidenttiń halyqqa Joldaýy naqty istermen júzege asyrylatyny anyq. Jańa Qazaqstannyń jańarýyna barlyǵymyz birlese kúsh biriktirsek kez-kelgen qamaldy alatyn bolamyz!» - dedi Amanat partiiasy jastar qanaty Shyǵys Qazaqstan oblystyq filialynyń tóraǵasy.
