Foto: t.me/qr_tjm
Abai oblysyndaǵy órtti sóndirýge Túrkiia men Ózbekstan kómek usynǵan. Bul týraly Syrtqy ister ministrliginiń resmi ókili Aibek Smadiiarov BAQ ókilderimen ótkizgen baspaóz máslihatynda aitty, dep habarlaidy QazAqparat.
«Syrtqy ister ministrliginiń jelisi arqyly ondai aqparat kelip túsken joq. Múmkin profildik ministrlikter arasynda ózderiniń kelisim bar shyǵar. Biraq biz arqyly ondai kómek usynylǵan joq», - dedi ol.
Resmi ókildiń aitýyna qaraǵanda, apatty aýyzdyqtaýǵa shamasy jetpei jatsa, Qazaqstan syrttan kómek suraýǵa májbúr bolady.
«Ázirshe biz ondai kómek surap jatqan joqpyz. Meniń estýimshe, bir-eki memleket kómek kórsetýge daiyn ekenderin bildirdi. Ózderińiz bilesizder, Memleket basshysy telefon arqyly sóilesti, bizdiń ministr telefon arqyly sóilesti», - degen Aibek Smadiiarov tilshilerdiń naqtylaý suraǵyna kómek usynǵan elder Túrkiia men Ózbekstan ekenin rastady.
