Foto: © Sputnik / Nina Zotina
QMA Abai oblysy boiynsha Departamenti oblystyq prokýratýranyń úilestirýimen «Sport Bar» ataýymen «býkmekerlik keńse» atyn jamylǵan zańsyz oiyn biznesi qyzmetin toqtatty.
«STOP Oiyn» sharasy aiasynda oblystyq politsiia departamentiniń «Arlan» arnaiy jasaǵymen birlesip, Semei qalasynda eki mekenjai boiynsha banknottardy qabyldaityn jáne qolma-qol aqshalai utys beretin terminaldar, kompiýterler, aqsha jáne t.b. zattai aiǵaqtar tárkilenip alynǵan.
"Bir top tulǵanyń aldyn ala kelisimimen zańsyz oiyn biznesin uiymdastyrý faktisi boiynsha sotqa deiingi tergeý amaldary júrgizilip jatyr.
QR QPK 201 babyna sáikes ózge de málimetter jariia etilýge jatpaidy.
Aita ketý kerek, QR «Oiyn biznesi» týraly Zańyna sáikes bás tigýdi nemese júlde berýdi qolma-qol aqshamen iske asyratyn býkmekerlik keńseler men lotereialardyń kassalary tek qana Almaty oblysynyń Qapshaǵai sý qoimasy jaǵalaýynda jáne Aqmola oblysynyń Býrabai kýrorttyq aimaǵynda ornalastyrylýy tiis" - delingen habarlamada.
QR Konstitýtsiiasynyń 77-babynyń 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-babynyń 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árkim kinásiz dep esepteledi.
