Nurbol Nursaǵatov Abai oblysy ákiminiń orynbasary bolyp taǵaiyndaldy, - dep habarlaidy "Ult aqparat".
"Prezident Ákimshiliginiń kelisimimen, Abai oblysy ákimi Nurlan Uranhaevtyń ókimi boiynsha Nurbol Nursaǵatov ákimniń orynbasary bolyp taǵaiyndaldy", - deidi oblys ákimdiginiń baspasóz qyzmeti.
Ol buǵan deiin Nur-Sultandaǵy Baiqońyr jáne Almaty aýdandarynyń ákimdikterin basqarǵan.
Nurbol Tólegenuly Shyǵys Qazaqstan oblysynda dúniege kelgen. E.A. Bóketov atyndaǵy Qaraǵandy memlekettik ýniversitetin, L. B. Goncharov atyndaǵy Qazaq avtomobil jol institýtyn bitirgen.
Eńbek jolyn 2003 jyly QR Indýstriia jáne saýda ministrliginiń Qurylys isteri jónindegi komitetinde bastaǵan.
2008-2011 jyldary Nur-Sultan qalasy ákimdiginiń qurylys basqarmasy basshysynyń orynbasary boldy. QR Aýyl sharýashylyǵy ministrliginiń Sý resýrstary komiteti tóraǵasynyń orynbasary qyzmetin atqardy.
ShQO ákimdiginiń kólik jáne avtomobil joldary basqarmasynyń, Almaty qalalyq qurylys basqarmasynyń, Nur-Sultan qalasy qorshaǵan ortany qorǵaý basqarmasynyń basshysy qyzmetterinde ter tókti. Nur-Sultan qalasy Baiqońyr jáne Almaty aýdandarynyń ákimi bolǵan.
Eske sala keteiik, Abai oblysy ákiminiń birinshi orynbasary bolyp Aidyn Kárimov taǵaiyndalǵan.
Al ótken aptada Uranhaevtyń taǵy bir orynbasary – Shalqar Baibekov óz qyzmetine kirisken.
