L.Gýmilev atyndaǵy Eýraziia ulttyq ýniversiteti janynan «Abai» akademiiasy ashylady. Bul týraly búgin Abaidyń 175 jyldyq mereitoiyn daiyndaý jáne ótkizý jónindegi memlekettik komissiia otyrysynda aityldy, dep habarlaidy QazAqparat.
«Memleket basshysynyń kelisimine sáikes, «Abai» akademiiasyn ashý jónindegi naqty tapsyrmaǵa orai biz daiyndyq jumystaryn aiaqtaýǵa kóshtik. Jalpy, Abaitaný máselesimen osy ýaqytqa deiinde quzyrly ǵylymi mekemeler ainalysýda. Máselen, M.Áýezov atyndaǵy Ádebiet jáne óner institýtynyń tutas bir bólimi arnaýly taqyrypta jumys atqaryp jatyr. Endi bizdiń ýniversiettiń janynda qurylatyn institýt ta osyndai igilikti iske ózindik úlesin qospaqshy», - dedi Eýraziia ulttyq ýniversitetiniń rektory Erlan Sydyqov.
Onyń aitýynsha, institýttyń missiiasy - Abai murasyn jan-jaqty tanytý maqsatynda pánaralyq zertteýler júrgizý, Abaitaný baǵytynda jetekshi ǵylymi istitýt bolý, monografiialar, ǵylymi jinaqtar, oqý ádáistemeliek jáne jańa tehnologiiaǵa negizdelgen quraldar ázirleý. Basty maqsaty - Abai murasy jáne qazaq qoǵamy aiasynda ultyń ádebieti men tarihyn, rýhani-mádeni muralardy, aqyl-oi tujyrymdamalardy otandyq, túrkilik, álemdik sanatta zerdeleitin ǵylymi áleýetti ortalyq qurý.
«Negizgi mindetteri – abaitanýǵa qatysty san qyrly aspektilerge zertteýler uiymdastyrý, Abai tulǵasy men murasyn jańa qyrynan tanytyp, dúniejúzi keńistigine tanystyrý, Abai jáne qazaq qoǵamy jobasy aiasynda ult ádebieti men tarihy jáne mádenieti derekterin jinaqtaý júieleý, saralaý, zerdeleý», - dedi Erlan Sydyqov.
Rektordyń aitýynsha, «Abai» akademiiasy Qazastannyń sheteldegi Elshilikteri janynan ashylǵan Abai ortalyqtaryna oqý quraldaryn ázirleý, elektrondyq oqýlyqtar daiarlaý, utqyr qosymshalar jasaý jáne ádistemelik kómekter kórsetý jumystaryn atqarady. Institýt aiaǵynan turǵannan keiin halyqaralyq bailanystardy kúshteitedi. Osy ýaqytqa deiin tarihta bar Gete institýty, Lermontov ortalyǵy, Pýshkin institýty siiaqty álemdik deńgeidegi ǵylymi mekemelermen bailanys ornatady.
«Institýt Abaidyń 2 tomdyq shyǵarmalaryn tekstologiialyq turǵyda qaita qarap, tolyqtyryp shyǵarady. Abaidyń ǵylymi ómirbaianyn ázirleidi. «Qunanbai» tarihi-ómirbaiandyq zertteýi «Tamasha adamdar ómiri» seriiasymen qańtar jaryq kóredi. Akademiia 2020-2022 jyldary aqynnyń ómiri men shyǵarmashylyǵy týraly 16 zertteý men monografiia, 7 oqý jáne oqý quralyn, 7 qoldanbaly tanymdyq qural shyǵarady. Institýt jobasynyń úsh jyldyq biýdjeti 288 mln teńgege baǵalanyp otyr. Onyń ishinde 2020 jylǵa – 120 mln, 2021 jylǵa – 88 mln, 2022 jylǵa – 78 mln teńge. Aita ketý kerek, institýttyq bazalyq qarjylandyrýyn EUÝ ózi qamtamasyz etedi. Kitaptardy basyp shyǵarýǵa demeýshiler, metsanattar tartylmaq», - dedi ol.
