QR Prezidenti Ákimshiligi basshysynyń birinshi orynbasary Dáýren Abaev «Ashyq dialog-2» suhbatynyń kezekti sanynda Ulttyq jobalardyń tóńiregindegi qyzý pikirtalastarǵa qatysty pikir bildirdi, dep habarlaidy QazAqparat.
«Prezident Ulttyq jobalardyń birqataryn bekitkeni týraly jańalyq paida bolǵan sátte-aq bári «mátini qaida?» degen suraq qoidy. El ishinde Úkimet Ulttyq jobalardyń mazmunyn jyl boiy jasyryp kelgendei, quddy bir astyrtyn ómirge engizgeli jatqandai syndar aityldy. Belgili bir niýanstar, logistika bar. Eki kúnniń ainalasynda Ulttyq jobalardyń barlyq qujattary ashyq ortaǵa shyǵarylǵanyn bilesiz. Osydan keiin-aq barsha qyzý áńgime tynshydy dep oilaimyn», - dedi ol suhbat barysynda.
Onyń paiymynsha, Ulttyq jobalardyń atyna qarap qana baǵa berse, shynymen de osyǵan deiin qoldanylǵan memlekettik baǵdarlamalardan aiyrmashylyǵy joq bolyp kórinýi múmkin.
«Al memlekettik baǵdarlamalar men Ulttyq jobalardyń mazmunyna mańyz berip qarasaq, tujyrymdamalyq ózgeshelikter bar. Eń áýeli tásilderinde aiyrmashylyq bar. Iaǵni, bizdiń eski problemalardy jańa tásildermen, aiqyn basym baǵytqa qurylǵan sharalar arqyly, jobalyq basqarý quraldary arqyly, tsifrlyq transformatsiia arqyly sheshkimiz keledi. Ulttyq jobalarǵa túzetýler de engizilip jatyr. Mysaly. «Jasyl Qazaqstan – qaýipsiz el» ulttyq jobasy memlekettiń júieli saýaldaryna bergen tikelei jaýaby. Bir sáttik emes, aiqyn rásimdelgen, qoǵamdyq múddeler teńdiginiń aiasynda belgilengen», - degen Prezident ákimgiligi basshysynyń birinshi orynbasary Ulttyq jobalardyń iske asýyna «Halyq únine qulaq asatyn memleket» qaǵidaty qala yqpal etetinin túsindirdi.
«Salamatty ult» jáne «Bilimdi ult» jobalary da qazirgi ahýalǵa jaýap deýge bolady. Pandemiia kezeńi densaýlyq saqtaý júiesi de, qazaqstandyqtardyń óz densaýlyǵyna degen kózqarasy da reformany qajet etetinin kórsetti. Al mektep pen bilim ult damýynyń negizgi máselesi. Bizde mektepke baratyn balalardyń úlken tolqyny qalyptasyp otyr. Áine, olarǵa mektepte jaqsy bilim berilýi kerek. Onsyz qoǵamdy nemese ekonomikany damytýǵa baǵyttalǵan kez kelgen baǵdarlamanyń máni joq. «Halyq únine qulaq asatyn memleket» tujyrymdamasy Ulttyq jobalardy iske asyrýda mańyzdy ról oinaitynyn airyqsha aitý kerek. Ol qoǵamdaǵy saýaldardyń eń negizgilerin iriktep shyǵaryp, saiasat pen reformaǵa enýine múmkindik berdi. Prezident byltyrǵy Joldaýynda «halyq únine qulaq asatyn memleket» ádiletti memleket qurýdyń quraly ekenin aitqanyn bilemiz. «Halyq únine qulaq asatyn memleket» qoǵamy osy Ulttyq jobalardyń oryndalýyn qadaǵalaǵan kezde óz rólin atqarady. Bul memlekettik organdarǵa áldeqaida tiimdi áreket etýge múmkindik beredi», - dedi Dáýren Abaev.
