Búgin QR Premer-Ministri Baqytjan Saǵyntaevtyń tóraǵalyǵymen ótken Úkimet otyrysynda aqparat jáne kommýnikatsiialar ministri Dáýren Abaev Qazaqstanda «Aqyldy qalalar» jobalaryn iske asyrý boiynsha qabyldanyp jatqan sharalar týraly baiandady, dep habarlaidy "Ult aqparat".
Dáýren Abaev atap ótkendei, Smart City tujyrymdamasy barlyq qalalyq qyzmetterdiń tiimdiligin arttyrýǵa baǵyttalǵan. Smart City missiiasynyń negizi — adam jáne onyń qajettilikteri. Aqyldy qalanyń negizgi sipattamalary — jailylyq, qaýipsizdik, tiimdilik jáne qorshaǵan ortaǵa ziiandy tómendetý.
«Tsifrlyq Qazaqstan» memlekettik baǵdarlamasynyń negizgi kórsetkishteriniń biri – elimizdiń bes iri qalasynda – Smart Astana, Smart Karagandy, Smart Ontystuk, Smart Almaty, Smart Aktobe sekildi Smart City-di damytý», — dedi Dáýren Abaev.
Atalǵan jobalardyń basty oryndaýshylary – óńirler ákimdikteri. «Aqyldy qalany» damytý turǵysynan olardyń jumysynyń negizgi basymdyqtary: óńir turǵyndarynyń ómir sapasyn jaqsartý; elektrondy túrdegi memlekettik qyzmetterdiń úlesin ulǵaitý; Qazaqstan aimaqtarynyń Smart sity halyqaralyq reitingterine kirýi; JAO arhitektýrasyn damytý; Smart city tujyrymdamasyna sáikes bastamalyq jobalardy iske asyrý; G2G, B2B jáne G2B segmentterinde qaǵazsyz ózara árekettestikti yntalandyrý.
Ministr memlekettik baǵdarlama aiasynda «aqyldy qalalardyń» tiptik tujyrymdamasy ázirlengenin atap ótti. Onda internet zattar, jasandy zerde jáne t. b. sekildi aldyńǵy qatarly tehnologiialardy qoldanatyn jobalardyń tizimi keltirilgen. Sondai-aq, qujat Smart City tehnologiialaryn engizýdiń negizgi qaǵidalaryn, tásilderin, maqsattaryn, basymdyqtary men mindetterin anyqtaidy.
«Jobalar memlekettik-jekeshelik áriptestik, aqparattandyrýdyń servistik modeli, biýdjettik qarjylandyrý jáne jeke investitsiialar sheńberinde júzege asyrylatyn bolady. Sonymen qatar jobalardy benchmarkingti paidalaný, iaǵni úzdik álemdik jáne otandyq tájiribege baǵdarlaý arqyly júzege asyrý josparlanǵan», — dedi Dáýren Abaev.
Halyqaralyq standarttarǵa súiene otyryp, Qazaqstanda Smart City salasyndaǵy ulttyq standarttar ázirlenip, bekitildi. Olar energiia únemdeý, TKSh, kólik, bilim berý, densaýlyq saqtaý, qorshaǵan ortany qorǵaý jáne aqparattyq tehnologiialar salasyndaǵy innovatsiialyq sheshimder esebinen, qaýipsizdik pen qyzmet kórsetýdiń joǵary deńgeiin qosa alǵanda, qalalyq protsesterdi ortalyqtandyrylǵan basqarýdyń túbegeili jańa múmkindikterin, birtutas talaptardy retteidi.
Aqparat jáne kommýnikatsiialar ministriniń aitýynsha, «Collaborative Innovation» negizgi tetik bolady — memlekettik organdardyń jekemenshik uiymdarmen ózara is-qimyl formaty, onyń aiasynda birtindep jańa jetildirilgen sheshimder, tásilder jáne NQA qajetti ózgerister ázirlenedi.
Baiandamashy bul tujyrymdama Smart City-di engizý deńgeiine bailanysty qalalardy baǵalaý jumystaryn júrgizýdi usynatynyn atap ótti. Sonyń nətijesinde, baǵalaýdyń tiisti shkalasy bar keste túrindegi engizý dárejesiniń kartasy ázirlenedi. Ár salaǵa QR standarttarynyń indikatorlary men kórsetkishterine sáikes negizdelgen baǵa beriledi.
Astana qalasynyń ákimi Áset Isekeshev, Almaty ákimi Baýyrjan Baibek jáne Qaraǵandy oblysynyń ákimi Erlan Qoshanov Smart City jobalaryn engizýdiń aimaqtyq tájiribesi men iske asyrylý jaǵdaiy týraly baiandama jasady.
