QR Prezidenti Ákimshiligi Basshysynyń birinshi orynbasary Dáýren Abaev elimizde sybailas jemqorlyqpen kúresýdiń búgingi jaǵdaiy týraly aitty, dep habarlaidy QazAqparat.
«Áńgime sybailas jemqorlyqpen kúresýdiń jańa ádisi týraly bolyp otyr. Búgingi tańda Antikor Memleket basshysynyń tasyrmasyna sáikes, laýazymdy tulǵalardy jekelep quryqtaýdan, jemqorlyq árekettiń tolyq sulbasyn ashý taktikasyna kóshti. Bul júieli ári tiimdi tásil. Árine, sybailys jemqorlyq árekettiń birneshe túri bar. Atap aitsaq, turmystyq, korporativtik nemese júieli jemqorlyq. Sonyń ishinde eń qaýiptisi júieli paraqorlyq. Bul jaǵdaida Antikor jemqorlyqtyń osy atalǵan túrimen kúresýdi qolǵa aldy. Meniń oiymsha, bul bizdiń elimiz úshin tiimdi bolmaq», - dedi Dáýren Abaev «Habar» telearnasynda ótken «Ashyq dialog» 2.0 (Otkrytyi dialog 2.0) suhbatynyń kezekti sanynda.
Onyń aitýynsha, Sybailas jemqorlyqqa qarsy is-qimyl agenttigi paraqorlyqpen kúresýdiń jańa ádisin ýaqytyly qolǵa aldy.
«Sebebi qazirdiń ózinde aýyl sharýashylyǵy salasynda «jemqorlyq renta» týraly áńgime aitylyp jatyr. Múmkin qazaqstandyqtar azyq-túlik satyp alǵan kezde taýar úshin ǵana emes sheneýnikterdiń qaltasyn qampitý úshin de tólep jatqan shyǵar. Sondai-aq, Antikor basqa salalar boiynsha da jemqorlyq áreketterdiń betin ashý baǵytynda jumys istep jatyr», - deidi ol.
