Aqparat jáne qoǵamdyq damý ministri Dáýren Abaevtyń tóraǵalyǵymen aqparatqa qol jetkizý máseleleri jónindegi komissiianyń kezekti otyrysy ótti, dep habarlaidy "Ult aqparat" ministrliktiń baspasóz qyzmetine silteme jasap.
Komissiia otyrysyna Parlament Májilisiniń depýtattary, ortalyq memlekettik jáne jergilikti atqarýshy organdardyń, IT-kompaniialardyń, ÚEU jáne Aqparatqa qol jetkizý salasyndaǵy sarapshylar qaýymdastyǵynyń ókilderi qatysty.
Otyrysty asha otyryp, ministr Dáýren Abaev aqparattyq ashyqtyqty qamtamasyz etýdiń mańyzdylyǵyn jáne «Aqparatqa qol jetkizý týraly» zań talaptaryn oryndaýdyń mindettiligin atap ótti.
Otyrysta 2018 jylǵy memlekettik organdar qyzmetiniń ashyqtyǵy dárejesin baǵalaý nátijeleri usynyldy. 2017 jylmen salystyrǵanda kórsetkishterdiń aitarlyqtai nasharlaýy baiqalady. Bul baǵalaý ádistemesiniń ózgerýimen de, óziniń ashyqtyǵyn qamtamasyz etý jónindegi memlekettik organdardyń jetkiliksiz jumysymen de bailanysty.
Komissiia sondai-aq birqatar memlekettik organdardyń (OSK, Respýblikalyq biýdjettiń atqarylýyn baqylaý jónindegi esep komiteti, Indýstriia jáne infraqurylymdyq damý ministrligi) aqparattyq júieleriniń derekterin «Zerde» Holdingi júrgizgen taldaýdyń qorytyndylaryn qarady. Onyń qorytyndysy boiynsha «Ashyq derekter» portalynda 30-ǵa jýyq jańa derekter jinaǵy jariialanyp, jalpyǵa qoljetimdi bolady.
Sondai-aq, «Zerde» Holdingi Basqarma tóraǵasynyń orynbasary A. Anisimov óz sózinde Ashyq derekter negizinde 5 jańa qosymshalar ázirlenip jatqandyǵy týraly atap ótti. Olar «Smart Aqsý», «Smart Qostanay», «Smart Zapravka», «UniPark Klient» jáne «DocuLite» qosymshalary.
Otyrysqa shyǵarylǵan taǵy bir másele – ashyq otyrystardyń onlain-transliatsiiasyn ótkizý boiynsha «aqparatqa qol jetkizý týraly» Zańnyń talaptaryn oryndaý. Qazirgi tańda memlekettik organdardyń túgeliniń derlik bul talapty saqtamaidy. Sondyqtan tiisti usynymdar berildi.
Otyrys sońynda ázirlenip jatqan memlekettik organdardyń internet-resýrstarynyń biryńǵai platformasynyń beta-nusqasy (IRBP) tanystyryldy, ol barlyq memlekettik organdardyń resmi internet-resýrstaryn jáne «elektrondyq úkimet»portalyn biriktiredi.
«Ulttyq aqparattyq tehnologiialar» AQ Basqarma tóraǵasy A. Turysovtyń aitýynsha, jyl sońyna deiin barlyq memlekettik organdardyń internet-resýrstaryn IRBP-ǵa kóshirý, al 2020 jyldyń 1 qańtarynan bastap ony iske qosý josparlanyp otyr.
