2021 jylǵy I toqsanda barlyq ataýly áleýmettik kómek (AÁK) alýshylarǵa memlekettik instantsiiaǵa júginbei, AÁK taǵaiyndaýǵa ótinish avtomatty túrde uzartyldy. Bul shara 106 myń otbasynyń 525 myńǵa jýyq adamyna qatysty boldy, dep habarlaidy QR Eńbek jáne halyqty áleýmettik qorǵaý ministrliginiń baspasóz qyzmeti.
Avtomatty túrde uzartý qoldanystaǵy karantindik sharalar kezinde halyq arasynda koronavirýstyq infektsiianyń taralý qaýpin azaitýǵa múmkindik berdi.
Kómek kórsetýge alǵash ret ótinish bildirgen azamattar elektrondyq úkimet portaly arqyly ótinish bere alady. 2021 jyldyń basynan bastap alǵash ret AÁK-ke 54,4 myń otbasy nemese 297,9 myń adam júgindi.
Esterińizge sala keteiik, budan buryn AÁK alýshylarǵa kómek taǵaiyndaý 2020 jyldyń II, III jáne IV toqsandarynda TJ rejimi men karantindik shekteý sharalarynyń qoldanylýyna bailanysty uzartylǵan bolatyn. Máselen, 2020 jyldyń IV toqsanynda 119,7 myń otbasynan 614,3 myńnan astam qazaqstandyqqa AÁK taǵaiyndaý avtomatty túrde uzartyldy.
AÁK otbasynyń árbir múshesine jan basyna shaqqandaǵy ortasha tabysy óńirlik eń tómengi kúnkóris deńgeiiniń 70% -ynan tómen azamattarǵa taǵaiyndalady.
Budan basqa, AÁK kórsetýdiń jańa tetigin iske asyrý sheńberinde elimizdiń barlyq óńirlerinde tabysy az otbasylardyń mektep jasyna deiingi balalaryn kepildik berilgen áleýmettik toptamamen (budan ári – áleýmettik toptama) qamtamasyz etý boiynsha jumys júrgizilýde.
Boljam boiynsha 2021 jyldyń I toqsanynda 215 myńǵa jýyq balaǵa áleýmettik toptama beriletin bolady.
2020 jyldyń qorytyndysy boiynsha AÁK alýshylar ishinen 1 jastan 6 jasqa deiingi 218,2 myń bala azyq-túlik jáne turmystyq himiia zattarynyń jiyntyǵy túrinde áleýmettik toptama aldy.
Aǵymdaǵy jyly kepildik berilgen áleýmettik toptamany aleumet.egov.kz áleýmettik qyzmetter portalyna tolyǵymen aýystyrý josparlanyp otyr.
