QR Eńbek jáne halyqty áleýmettik qorǵaý vitse-ministri Nariman Muqyshev mektepter men avtobýstardaǵy áleýmettik ID karta týraly aityp berdi, dep habarlaidy QazAqparat.
«Áleýmettik ID – ataýly áleýmettik kómek alatyndardyń avtobýsta jolaqy, mekteptegi taǵam úshin tólem jasaityn kartasy. Onyń artyqshylyǵy nede? Máselen, ata-anasy jumys istemeitin oqýshyǵa memleket tarapynan tegin ystyq tamaq berilýi tiis. Bul kartany terminalǵa basý arqyly tólem jasai alady. Sebebi, bul júie áleýmettik reestrmen bailanystyrylǵan. Barlyq oqýshylarda birdei karta bolady jáne ózge synyptastar balanyń tegin ystyq tamaq ishetinin bilmeidi. Avtobýsta da osyndai ustanym bolady. Onda da jeńildik berilip nemese tegin júrýi tiis birneshe sanatymyz bar», - dedi N.Muqyshev elordadaǵy Digital Bridge halyqaralyq forýmynyń 5 CDO Open talks alańynda.
Onyń aitýynsha, áleýmettik kartalar ázirge Aqtóbe qalasynda pilottyq rejimde iske qosylǵan.
«Ázirge 24 baǵyttaǵy 140 avtobýs osyndai formatta jumys isteýde. 28 mekteptiń oqýshylaryna 21 myńǵa jýyq áleýmettik karta berildi. Oǵan kún saiyn baqylaý júrgizemiz jáne kúnine 5 myńǵa jýyq tranzaktsiia júrgiziledi. Bul kartany iske qosýdan bólek, ony turǵyndardyń belsendi paidalanýy da biz úshin mańyzdy», - dedi vitse-ministr.
