Qazaqstanda ótken táýlikte 967 adamnyń analizinen koronavirýs anyqtaldy. Úshten biri – Nur-Sultan (215) men Qaraǵandy oblysynyń (165) turǵyndary. 2020 jyldyń naýryz aiynan beri elde 402 239 adamnyń koronavirýs testi oń shyqqan.
12 maýsymda taǵy 11 adam pnevmoniianyń koronavirýsqa uqsas túrine shaldyqqan. Elde koronavirýs pen koronavirýs pnevmoniiasyna shaldyqqandar bólek esepteledi. Biraq halyqaralyq uiymdardyń saitynda eki kórsetkish biriktirilgen. 2020 jyldyń 1 tamyzynan beri elde 56 213 adam "pnevmoniiamen" aýyrǵan.
Indet bastalǵaly beri 4171 adam (12 maýsymda 11 adam qaitys bolǵan) koronavirýstan qaitys bolǵan. Taǵy 3415 adamnyń ólimine kornavirýs pnevmoniiasy sebep boldy dep aitylady. Odan bólek, indet bastalǵaly beri shamamen 2 myń adam koronavirýstyń "janama áserinen" qaitys bolǵan. Qazaqstanda mundai adam ólimi kórsetkishi Covid statistikasyna engizilmeidi.
14 maýsym tańerteńgi málimet boiynsha, elde 21 537 adam (20 426-syna virýs juqqany testpen dáleldengen) koronavirýstan emdelip jatyr. Statsionarda 7 075 adam emdelip jatyr. 512 adamnyń jaǵdaiy – aýyr, 113-iniń jaǵdaiy óte aýyr, 70 adam jasandy tynys apparatyna qosylǵan.
Sońǵy málimet boiynsha, elde 2 mln 506 myń adam koronavirýsqa qarsy vaktsinanyń keminde bir dozasyn alǵan. 1 mln 384 myńy eki dozasyn alǵan. Azamattarǵa reseilik "Spýtnik V", qazaqstandyq QazVac jáne qytailyq Sinopharm jáne "Sinovac Biotech Ltd" kompaniiasynyń CoronaVac (Sinovac) vaktsinasy egilip jatyr.
Amerikalyq Djons Hopkins ýniversitetiniń dereginshe, indet bastalǵaly beri álemde 175,8 mln 206 myń adamnan koronavirýs anyqtalǵan. 3,7 mln adam qaitys bolǵan.
