Foto: Gov.kz
Qazaqstanda ortasha zeinetaqy mólsheri 35,7 myń teńgeni quraidy, biraq keibir azamattar 900 myń teńgeden astam zeinetaqy alady, dep habarlaidy Ult.kz.
2025 jylǵy 1 tamyzdaǵy derekke sáikes, elimizde zeinet jasyndaǵy azamattarǵa Biryńǵai jinaqtaýshy zeinetaqy qorynan (BJZQ) tólenetin ortasha ailyq zeinetaqy bar bolǵany 35 700 teńge. Alaida eń joǵary zeinetaqy mólsherine shekteý qoiylmaǵan – keibir qazaqstandyqtar ai saiyn 900 myń teńgeden astam qarjy alady.
2025 jylǵy 1 qyrkúiektegi jaǵdai boiynsha eń joǵary zeinetaqy alýshylardyń bestigi mynandai:
- - 993 041 teńge;
- - 818 818 teńge;
- - 635 236 teńge;
- - 565 857 teńge;
- - 560 437 teńge.
Zeinetaqy kólemi qandai faktorlarǵa bailanysty?
Sarapshylar joǵary zeinetaqy alýdyń negizgi sebepterine mynalardy ataidy:
- - Azamattyń ómir boiǵy tabys deńgeii;
- - Barlyq tabys kózderinen turaqty jáne tolyq kólemde jarna aýdarýy.
Qazaqstandaǵy jinaqtaýshy zeinetaqy júiesi árbir azamatqa óziniń bolashaq zeinetaqysyn basqarýǵa múmkindik beredi. Mindetti 10% jarnadan bólek, qalaǵan jaǵdaida qosymsha erikti jarnalar arqyly jinaqty ulǵaitýǵa bolady.
BJZQ derekterine súiensek, 2025 jyldyń aqpan aiynda tirkelgen eń joǵary zeinetaqy somasy 993 040 teńge bolǵan. Qazirgi rekord osydan nebári 1 teńgege az. Al eldegi ortasha zeinetaqy mólsheri jyl basynan beri aitarlyqtai ózgergen joq – 35,5 myń teńgeden 35,7 myń teńgege ǵana ósken.
