Búgin Úkimet otyrysynda Premer-Ministr Asqar Mamin kanaldar men sý qoimalaryn salýǵa qatysty tapsyrmalar berdi, dep habarlaidy QazAqparat.
«Birinshiden, Ekologiia ministrligi bir ai merzimde 9 sý qoimasy men 120 kanaldy salý men rekonstrýktsiialaýdyń, sondai-aq olardy tsifrlandyrýdyń jol kartasyn ázirlesin. Ekinshiden, Aýyl sharýashylyǵy, Ekologiia ministrlikterine ákimdiktermen birlesip, Sýarmaly jerlerde sý únemdeý tehnologiialaryn engizý boiynsha 2025 jylǵa deiingi óńirlik jol kartalaryn bir ai merzimde ázirleýdi, sondai-aq, jaiylymdardaǵy gidrotehnikalyq qurylystardy, qudyqtardy jańǵyrtý boiynsha sharalardy qabyldaýdy tapsyramyn», - dedi Mamin.
Sonymen qatar, Úkimet basshysy Aýyl sharýashylyǵy ministrligi Almaty, Túrkistan jáne Qyzylorda oblystarynyń ákimdikterimen birlesip, sýdy kóp qajet etetin daqyldardyń egistik jerlerin kezeń-kezeńimen azaitý máselesin pysyqtaýy kerek ekenin júktedi.
