Foto: ashyq derekkóz
Aýyl sharýashylyǵy ministriniń buiryǵymen Qazaqstanǵa barlyq kólik túrlerimen úshinshi elderden jáne Eýraziialyq ekonomikalyq odaq elderinen taýyq jumyrtqalaryn ákelýge alty ai merzimge tyiym salyndy, dep habarlaidy Ult.kz.
«Qazaqstan Respýblikasynyń aýmaǵyna taýyq jumyrtqalaryn ákelýge tyiym salýdy engizý týraly» Qazaqstan Respýblikasy Aýyl sharýashylyǵy ministriniń 2025 jylǵy 4 sáýirdegi № 101 buiryǵymen Qazaqstan Respýblikasynyń aýmaǵyna barlyq kólik túrlerimen úshinshi elderden jáne Eýraziialyq ekonomikalyq odaq elderinen taýyq jumyrtqalaryn (SEQ TN: 040721) ákelýge alty ai merzimge tyiym salyndy, - delingen ministrliktiń habarlamasynda.
Aita ketý kerek, tyiym Qazaqstan Respýblikasynyń aýmaǵy arqyly taýyq jumyrtqalarynyń tranzitin, sondai-aq olardyń Eýraziialyq ekonomikalyq odaqqa múshe bir memlekettiń aýmaǵynan Eýraziialyq ekonomikalyq odaqqa múshe ekinshi memlekettiń aýmaǵyna Qazaqstan Respýblikasynyń aýmaǵy arqyly ótýine qatysty qoldanylmaidy.
Taǵamdyq jumyrtqa importyna ýaqytsha tyiym kóktemgi-jazǵy kezeńde otandyq taýar óndirýshilerdi qoldaý maqsatynda engizildi.
Aita ketý kerek, osy kezeńderde jumyrtqaǵa suranystyń tómendeýi baiqalady, naryqtyń qajettilikteri ónerkásiptik óndiris arqasynda jáne úi sharýashylyǵy ónimderiniń naryqta belsendi bolýymen tolyǵymen jabylady. Bul faktor qus fabrikalarynyń qyzmetine teris áser etedi, jumyrtqa baǵasy tómendeidi. Baǵanyń ózindik qunnan tómen túsýi kásiporyndardyń rentabeldiligine teris áser etedi.
Sondai-aq osy kezeńde jumyrtqany saqtaý merzimi qysqarady, bul rette tehnologiialyq erekshelikterge bailanysty jumyrtqa óndirý kólemi azaimaidy, bul qoimalarda taýardyń artyq jinalýyna ákeledi.
Osyǵan bailanysty, otandyq taýar óndirýshilerdi qoldaý jáne ishki naryqty qorǵaý maqsatynda Syrtqy saýda saiasaty jáne halyqaralyq ekonomikalyq uiymdarǵa qatysý máseleleri jónindegi vedomstvoaralyq komissiiada kóktemgi-jazǵy kezeńge barlyq kólik túrlerimen taýyq jumyrtqalaryn Qazaqstan Respýblikasynyń aýmaǵyna ákelýge ýaqytsha shekteý sharalaryn belgileýdiń oryndylyǵy maquldanǵan bolatyn.
Buiryq 2025 jyldyń 9 sáýirinen bastap kúshine enedi.
