Foto: Pexels.com
Bul kásibi merekeni 2007 jyly qarashada Kvebek qalasynda ótken Bas assambleiada Halyqaralyq arhiv keńesi (International Council on Archives, ICA) resmi túrde bekitti, dep habarlaidy Ult.kz.
Merekeniń datasy kezdeisoq tańdalmaǵan. Dál osy kúni 1948 jyly IýNESKO-nyń qoldaýymen Halyqaralyq arhiv keńesi quryldy. Bul uiymnyń qurylǵan kúnine orai Halyqaralyq arhiv kúni bekitildi. Al 2008 jyly alǵash ret mereke toilanǵan kezde HAK-tiń qurylǵanyna 60 jyl toldy.
QR Mádeniet jáne aqparat ministrliginiń málimetinshe, elimizde qujattardy saqtaityn 236 memlekettik arhiv bar. Sonyń ishinde 5 respýblikalyq, 5 arnaýly, 1 Prezident arhivi jáne 225-i oblystyq, qalalyq, aýdandyq arhivter jumys isteidi. Respýblika boiynsha arhiv qyzmetkerleriniń sany – 3 myńnan astam.
Elimizdegi barlyq arhivter Qazaqstan Respýblikasynyń 1998 jylǵy 22 jeltoqsandaǵy «Ulttyq arhiv qory jáne arhivter týraly» zańyna sai qyzmet atqarady.
- ▪️Arhiv qory jyl saiyn orta eseppen 16 myńnan astam uiymnan 300-400 myń ispen tolyqtyrylady.
- ▪️Qazirgi tańda QR Ulttyq arhiv qorynda 27.5 mln-nan astam qujat saqtalady.
Arhiv halyqtyń derekti jadynyń saqtaýshysy retinde eldiń ziiatkerlik menshigi men mádeni igiliginiń tutastyǵymen saqtalýyn qamtamasyz etedi.
