9 qyrkúiekte QR Prezidentiniń Nursultan Nazarbaevtyń tóraǵalyǵymen Úkimettiń keńeitilgen otyrysy ótedi. Bul týraly QHR-dyń Hanchjoý qalasyndaǵy Elbasynyń brifingisinde belgili boldy, dep habarlaidy Ult.kz tilshisi Qazaqparat agenttigine silteme jasap.
«Damýshy elderdi aýqymdy jumyssyzdyq alańdatýda. Ǵylymi-tehnikalyq progress pen tehnologiianyń damýǵa bailanysty adamdardyń kópshiligi qysqartýǵa ushyrady (...) Munyń bárin Qazaqstan eskerip, oiǵa túiip, aldyn ala sharalar qoldanýy tiis. Iaǵni, ortaq sheshim mynaý: Qazaqstandy indýstriialandyrý, mundai qiyn kezeńdegi bizdiń memlekettik investitsiialarǵa qatysty baǵdarlamalarymyz óte durys. Jumyssyzdyqtyń tómen deńgeiin saqtap turý, jańa jumys oryndaryn ashý jáne daǵdaryspen kúresten ekonomikalyq ósýge bet alý kerek. Dál osy máseleni 9 qyrkúiekte Úkimettiń keńeitilgen otyrysynda talqylaimyz», - dedi N.Nazarbaev jýrnalisterge G20 sammiti barysynda áserlerimen bólise otyryp.
Eske salsaq, 1 qyrkúiekte N. Nazarbaev QHR Tóraǵasy Si Tszinpinniń shaqyrtýymen G20 sammitine qatysý úshin Qytaiǵa keldi. Birinshi sessiiada Memleket basshysy jahandyq ekonomika máselelerin sheshý joldary týraly óz boljamdaryn aitty.
.jpeg)