Foto: QR Úkimetiniń baspasóz qyzmeti
Premer-Ministr Álihan Smaiylov elimizde jaqyn arada jańa turǵyn úi baǵdarlamasy iske qosylatynyn málim etti, dep habarlaidy Kazinform.
Búgin Senattyń jalpy otyrysynan keiin tilshiler Úkimet basshysynan «9-20-25» turǵyn úi baǵdarlamasy qashan iske qosylatynyn surady.
«Turǵyndar tarapynan «7-20-25» baǵdarlamasyna keńinen suranys boldy. Biraq bul baǵdarlamany iske asyrýǵa qarajat kerek. Ulttyq bank óziniń limitin qoiǵan edi. Bul limit suranys turǵysynan jetkiliksiz. Ulttyq bank mundai shekteý qoiǵannan keiin Úkimet aiasynda, sondai-aq Otbasy bank jáne «Báiterek» holdingi birlesip qosymsha baǵdarlama ázirlep jatyrmyz. Ol - «9-20-25» baǵdarlamasy», - dedi Smaiylov.
Onyń aitýynsha, jańa baǵdarlama boiynsha 25 jylǵa 9 paiyzdan ipotekalyq nesie beriledi.
«Qazirgi jaǵdaida 9 paiyz degen tómen mólsherleme sanalady. Sony iske asyrý úshin tiisti esep-qisapty jasap otyrmyz. Oǵan jyl saiyn 150 mlrd teńge kerek jáne 8 myń otbasy nemese adamǵa osy ipotekany alýǵa múmkindik beriledi. Ol úshin 100 mlrd teńgeni naryqtan tartýymyz qajet, al Otbasy bank óziniń taza tabysynan 50 mlrd teńge bólýi tiis. Osy qarajatty qosyp, 9 paiyzdyq stavkaǵa shyǵý kerek. Bul baǵdarlama negizinen jastarǵa arnalady dep sanaimyn», - dedi Úkimet basshysy.
Osy oraida ol baǵdarlama jaqyn arada iske qosylatynyn aitty.
«Keler jyly osy baǵdarlama júzege asady», - dep naqtylady Premer-Ministr.
