Jelide 89 jastaǵy qazaq ájesiniń Qytaida qalǵan týǵan-týystarymen qaýyshqan áserli videosy keń tarady. Kópshiliktiń júregin eljiretken bul oqiǵanyń artynda ondaǵan jylǵa sozylǵan saǵynysh jatyr, dep habarlaidy ult.kz.
1959 jyly nebári 22 jastaǵy boijetken Qazaqstanǵa qonys aýdarǵan. Alaida qujat máselesine bailanysty onyń jaqyndary shekaranyń arǵy betinde qalyp qoiǵan. Sodan beri taǵdyr aiyrǵan týystar bir-birin tek saǵynyshpen eske alyp kelgen.
Araǵa uzaq jyldar salyp, 89 jasqa kelgen keiýana ómirindegi eń úlken armanyna qol jetkizdi. Ol Qytaiǵa arnaiy baryp, týǵan baýyrlarymen qaita qaýyshty.
20 jyl boiy bir-birin kórmegen jandardyń kóz jasyna erik bergen sáti jeli qoldanýshylaryn da beijai qaldyrmady. Áserli video astynda jurt aq tilegin jaýdyryp, «Týǵannan artyq eshteńe joq», «Ǵumyrly kezdesý bolypty» degen pikirler qaldyrýda.
