Foto: depositphotos.com
Aqtaýda qymbat baǵaly kiiz úilerge jariialanǵan tender turǵyndardyń narazylyǵynan keiin toqtatyldy, dep habarlaidy Ult.kz Lada.kz basylymyna silteme jasap.
Mańǵystaý oblysynyń turǵyndary áleýmettik jelilerde oblys ákimdigi jariialaǵan 12 kiiz úidi 81 million teńgege satyp alý boiynsha tenderge narazylyq bildirdi. Túrǵyndar bul qarajatty joldar men trotýarlardy jóndeýge, qoqys shyǵarýǵa jáne uzaq ýaqyt bitpei turǵan qurylys nysandaryn aiaqtaýǵa jumsaýǵa bolatynyn atap ótti.
"Erteń meiramnan keiin bul kiiz úiler qoimada shirip jatady. Qalanyń barlyq máselesi sheshilip qoidy? Nege tazalyqqa, abattandyrýǵa jáne jańa turǵyn úilerdiń jobalarǵa sáikestigine kóńil bólinbeidi? Turǵyn úi-kommýnaldyq sharýashylyq bólimi qalanyń jaǵdaiyn baqylaýy tiis, biraq olar óz mindetterin oryndamaityn siiaqty", – deidi áleýmettik jeli qoldanýshylary.
Aqtaý qalalyq turǵyn úi-kommýnaldyq sharýashylyq bóliminiń basshysy Janbolat Jaqupov máselege qatysty túsinikteme berdi. Onyń aitýynsha, kiiz úiler 2025 jyly Aqtaýdyń Túrki áleminiń astanasy atanýyna bailanysty is-sharalardy ótkizý úshin qajet bolǵan.
"Kórshiles elderden kóp qonaq keledi dep kútilýde, sondai-aq uiymdastyrýǵa qoiylatyn talaptar joǵary, óitkeni is-sharalar tek qala nemese Mańǵystaý oblysy atynan ǵana emes, jalpy Qazaqstandy tanystyrý maqsatynda ótkiziledi. Satyp alynýy josparlanǵan kiiz úiler zamanaýi talaptarǵa sai bolyp, estetikalyq turǵydan ádemi kórinýi kerek. Alaida áleýmettik jeli qoldanýshylary usynǵan kiiz úiler belgilengen standarttarǵa sáikes kelmeidi. Qazirgi ýaqytta tenderlik rásim resmi túrde toqtatyldy", – dedi Janbolat Jaqupov.
