Foto: Astana ákimdigi
Júgirýden álemde eń tanymal New York Marathon básekesiniń biylǵy jarysynda 55 000 adam qatysty, dep habarlaidy Ult.kz Sport12.kz saityna silteme jasap.
Qazaqstan atynan biyl 44 jeńil atlet tirkeldi. Onyń ishinen 80 jastaǵy Saltanat Túitebaevtyń orny erekshe. 80-89 jas sanatynda synǵa túsken astanalyq zeinetker 42,2 shaqyrymdy 4 saǵat 45 minýt 56 sekýndta júgirip ótip, ekinshi oryndy ielendi. Jalpy osy sanatta 33 sportshy qatysty.
Saltanat Túitebaevtyń bul birinshi jetistigi emes. Buǵan deiin ol 2021 jyly «75+» jas sanatynda óner kórsetip, ekinshi orynǵa turaqtaǵan edi.
Al New York Marathon júgirisinde eń egde qatysýshy bolyp Japoniiadan kelgen Koichi Kitabatake tanyldy. 91 jastaǵy qatysýshy marafon qashyqtyǵyn 7 saǵat 25 minýt 13 sekýndta eńsergen.
