Foto:t.me/mediamvd
Reseide 8 jyldan beri halyqaralyq izdeýde júrgen 71 jastaǵy qazaqstandyq ustaldy, - dep habarlaidy Tengrinews.kz agenttigi Mańǵystaý oblysynyń Politsiia departamentine silteme jasap.
Vedomstvo málimetinshe, Mańǵystaý oblysy TJD kriminaldyq politsiia basqarmasynyń qyzmetkerleri qylmyskerdi ustaý úshin kórshi memleketke ketken. Orlov oblysyndaǵy Ishki ister ministrligi departamentindegi áriptesterimen 16 qarashada kúdiktini ustaǵan.
"Áielge alaiaqtyq jasady degen aiyp taǵylyp, izdeý jariialandy. 2010 jyldyń sáýirinde ol Munaily aýdanyndaǵy jer telimin jalǵan qujat arqyly jábirlenýshige 1,5 million teńgege satyp jibergen. Sol jyldyń maýsymynda ol sol aýdanda jalǵan qujatpen ekinshi ýchaskeni 4,5 million teńgege satyp jibergen", - dedi Mańǵystaý oblysy PD baspasóz qyzmeti ókilderi.
Tártip saqshylary málimetinshe, kúdiktiniń alaiaqtyq áreketinen barlyǵy 74 adam zardap shekken. Materialdyq shyǵyn 50 million teńgeden asady.
"Kúdiktini politseiler RF IIMD Novosilsk bólimshesiniń ýaqytsha ustaý izoliatoryna qamady. Qazirgi ýaqytta tergeý amaldary júrgizilip jatyr", - dedi vedomstvo ókilderi.
