Sýret ashyq derekkózden alyndy
Jetisý oblysy Panfilov aýdanynyń ákimdigi júkti bolyp qalǵan 8-synyp oqýshysyna qatysty túsinik berdi, dep habarlaidy QazAqparat agenttigi.
Lesnovka aýylyndaǵy mektep oqýshysynyń júktiligi týraly aqparatty Panfilov aýdany ákimdiginiń baspasóz qyzmeti rastady.
«Jigit otbasyly. 1999 jyly týǵan. Áskeri qyzmetshi. Qamaýǵa alyndy. Al oqýshy qyz 2008 jyly týǵan, 8-synypta oqidy. Olar osy jazda áleýmettik jeli arqyly tanysqan. Ekeýiniń arasyndaǵy jaǵdai óz qalaýymen bolǵan. Oqýshy qyz júkti. Qazir bilim bólimi tarapynan balanyń ózimen, ata-anasymen psihologiialyq turǵyda jumystar júrgizip jatyr», - dedi QazAqparat tilshisine Panfilov aýdany ákiminiń baspasóz qyzmetiniń ókili Nurbol Qanaǵatuly.
Vedomstvo ókiliniń sózinshe, qyz bala tolyq otbasynda tárbielenýde. Biraq otbasynyń áleýmettik sanaty – az qamtylǵan.
