8 sáýirden bastap Ýhan qalasyna (Ortalyq Qytai, Hýbei provintsiiasy) kirip-shyǵýǵa qoiylǵan shekteý alynyp tastalady, dep habarlaidy "Ult aqparat".
«8 sáýir saǵat 00:00-den bastap Ýhan qalasynda tranzittik joldarmen júrýge qoiylǵan shekteý alynyp, kólik quraldarynyń kirýine jáne shyǵýyna ruqsat etiledi. Ýhannan ketip bara jatqan adamdar jasyl «densaýlyq kodyna» sáikes júre alady», - delingen seisenbi kúni jariialanǵan Hýbei provintsiiasy densaýlyq saqtaý isi jónindegi memlekettik komitettiń qujatynda.
Mundai ereje Hýbei provintsiiasynda 25 naýryz túnnen bastalady.
Eske salaiyq, 23 qańtarda 11 mln turǵyny bar Ýhan qalasynda koronavirýs epidemiiasyna bailanysty qatań karantin engizildi. Qazirgi ýaqytta Qytaidyń atalǵan megapolisinde aýrý juqtyrǵandar sany 50 myńnan asty, 2524 adam qaitys boldy.
