QR Investitsiialar jáne damý jáne Eńbek jáne halyqty áleýmettik qorǵaý ministrlikterinde qyzmetkerlerdiń jumys rejimi buzylǵan, dep habarlaidy QazAqparat tilshisi.
Eske sala ketsek, buǵan deiin Memlekettik qyzmet isteri jáne sybailas jemqorlyqqa qarsy is-qimyl agenttiginiń tóraǵasy Alik Shpekbaev segiz saǵattyq jumys kúninen keiin memlekettik organdardaǵy kompiýterlerdiń óshirilýin qadaǵalaýdy tapsyrǵan bolatyn.
Búgin Agenttikte ótken baspasóz máslihatynda vedomstvonyń memlekettik qyzmet salasyndaǵy baqylaý departamentiniń direktory Ravil Tólebaev eki ministrlikte segiz saǵattyq jumys rejiminiń buzylǵany anyqtalǵanyn aityp ótti.
«Reidtik is-sharalar barysynda birneshe qyzmetshiler jumys ýaqyty rejimin buzǵany anyqtaldy. Mysaly, Investitsiialar jáne damý jáne Eńbek jáne halyqty áleýmettik qorǵaý ministrlikterinde jumys aiaqtalǵannan keiin keshigýdiń biren-saran faktileri belgili boldy. IDM qyzmetkerleri kidiris sebebi retinde jaýapty hatshynyń apparattyq keńesine jáne Úkimet otyrysyna materialdar daiyndaý sebebin kórsetti. IDM ókilderiniń jumys ýaqytyn saqtamaý faktilerin joiý boiynsha usynystar retinde ikemdi jumys kestesin engizýdi usyndy», - deidi ol.
Ravil Tólebaevtyń aitýynsha, Eńbek jáne halyqtyń áleýmettik qorǵaý ministrliginiń qyzmetkeri jumys rejiminiń buzylýyn joǵary turǵan memlekettik organdardan kelip túsken tapsyrmalaryna bailanysty ekenin atap kórsetken.
