Sinoptikter 6-8 naýryzǵa arnalǵan aýa raiy boljamyn jariia etti, - dep habarlaidy Tengrinews.kz tilshisi "Qazgidromet" RMK ókilderine silteme jasap.
Mamandardyń aitýynsha, aldaǵy kúnderi tsiklon boran men daýyldy jel alyp keledi.
"Tereń jáne belsendi tsiklon Batys Sibirge aýysady. Onymen bailanysty bolatyn atmosferalyq fronttar úlken jyldamdyqpen Qazaqstan aýmaǵy arqyly jyljityn bolady", - deidi olar.
6 naýryzda jyly fronttar bolsa, 7-8 naýryzda sýyq fronttar respýblikanyń soltústik bóliginde qar jaýý, boran, kóktaiǵaq, qatty jel, 25-30 m/s deiin kóteriletin uiytqý, temperatýranyń qysqa merzimdi joǵarylaýynan keiin sýyq kúnder bolady eken.
"Ońtústik oblystarda jaýyn-shashyn, ylǵaldy qar, tuman, kei jerlerde 23-28 m/s deiin kóteriletin batys jeli kútilýde. Qazaqstannyń ońtústiginde dabyldy eskertý jariialandy: 6 naýryzda Jambyl oblysynda ońtústik-batys, batys jeli soǵady, kúshi kei jerlerde 15-20, ekpini 23-28 m/s, kúndiz oblystyń ońtústik-batysynda 30 m/s jáne asa kútiledi", - delingen habarlamada.
Taraz qalasynda 6 naýryzda soqqan ońtústik-batys, batys jeliniń ekpini 15-20, kei ýaqytta 23-28 m/s kútiledi.
6 naýryzda Ońtústik Qazaqstan oblysynda kúndiz jańbyr, taýly asýlarda qatty jańbyr kútiledi. Kúndiz kei jerlerde naizaǵai bolady. Ońtústik-batys, batys jeli soǵady, kúshi túnde kei jerlerde 15-20 m/s, kúndiz 15-20, kei jerlerde ekpini 23-28 m/s, taýly asýlarda 30 m/s jáne odan asa kútiledi.
Buǵan deiin Almaty, Jambyl, Ońtústik Qazaqstan, Qyzylorda, Atyraý, Batys Qazaqstan, Qaraǵandy, Aqmola jáne Soltústik Qazaqstan oblystarynda daýyldy eskertý jariialanǵan.
5-7 naýryzda Almaty, Jambyl, Ońtústik-Qazaqstan, Qyzylorda oblystary boiynsha kei jerlerde jaýyn-jashynnyń (jańbyr basym) qatty túsýi kútilýde. Osyǵan bailanysty, muzdyq qubylystardyń álsireýi, jazyqtyq jerlerde erigen aǵynnyń jáne taýly ózenderde baýraily aǵynnyń paida bolýy kútiledi. Sý deńgeileri kóterilip jaiylmaǵa shyǵýy múmkin.
5-6 naýryzda Atyraý, Batys Qazaqstan, Qaraǵandy, Aqmola, Soltústik Qazaqstan oblystary boiynsha kúndizgi aýa temperatýrasynyń 0+7 C-qa qysqa merzimdi joǵarylaýy, jaýyn-shashynnyń (qar, jańbyr), kei jerlerde qatty túsýine bailanysty jazyq aýmaqta qardyń erýi jáne erigen qar aǵynynyń qalyptasýy kútiledi.
