Aqtóbe oblystyq politsiia departamenti «UNNNITY corporation» JShS-ne aqsha salyp, aldanǵan adamdardy izdestirip jatyr, dep habarlaidy QazAqparat.
«Aqtóbe oblysy politsiia departamentiniń tergeý basqarmasy 2017 jyldyń shilde aiynda salymshylardyń aqshasyn alaiaqtyq jolmen iemdenip, qarjy piramidasyn qurý deregi boiynsha «UNNNITY corporation» JShS-niń basshylaryna qatysty qylmystyq isti tergeýge aldy. Atalǵan uiymnyń jumysy kezinde elimiz boiynsha 40 000 adam zardap shekti. Onyń ishinde 8 000 adam Aqtóbe oblysynan», - dedi oblystyq PD baspasóz jetekshisi Erbolat Sarqulov.
«UNNNITY corporation» JShS-niń kez kelgen salymshysy Aqtóbe oblysy politsiia departamentiniń №401 kabinetine kelýi nemese 93-64-11, 8-702-867-66-87 telefon nómerine habarlasýy kerek.
