Azamattyq aviatsiia komiteti (AAK) Máskeýden Almatyǵa reisterge biletterdiń qymbattaǵany týraly aqparatqa túsinikteme berdi, - dep habarlaidy Kaz.tengritravel.kz.
Buǵan deiin áleýmettik jelilerde Máskeý - Almaty baǵyty boiynsha áýe biletteriniń qymbattaǵany týraly aqparat paida boldy. Paidalanýshylardy 22 jáne 23 qyrkúiektegi jaǵdai boiynsha bir jolaýshyǵa bilettiń quny tiisinshe 7,8 million jáne 8,2 million teńgeni quraityny týraly aqparat tańǵaldyrdy.
Vedomstvonyń málimetinshe, áleýmettik jelilerde biletterdiń baǵasyna qatysty taratylyp jatqan aqparattaǵy biletterdiń quny Dýbai arqyly Máskeý – Dýbai ("Emirates" áýekompaniiasy) jáne Dýbai – Almaty ("Eir Astana" áýekompaniiasy) marshrýty boiynsha tranzittik reisterdi eskere otyryp kórsetilgen.
"Máskeý – Almaty jáne Dýbai – Almaty baǵyttary boiynsha qazaqstandyq áýekompaniialardyń tikelei reisterinde tarifter ózgermegenin atap ótý qajet. Mysaly, 2022 jylǵy 21 qyrkúiek saǵat 18:00-degi jaǵdai boiynsha:
- – 2022 jylǵy 24 qyrkúiektegi Máskeý (Vnýkovo) – Almaty baǵyty boiynsha "SCAT" qazaqstandyq aviakompaniiasynyń reisine bilet quny 253688 teńgeni jáne aǵymdaǵy jylǵy 29 qyrkúiektegi baǵasy 208078 teńgeni quraidy.
- – 2022 jylǵy 22 qyrkúiektegi Dýbai-Almaty baǵyty boiynsha "Eir Astana" áýekompaniiasynyń reisine bilet quny 334146 teńgeni quraidy", - delingen AAK habarlamasynda.
