Terezeden qulai jazdaǵan úsh jasar qyzdy qutqarý sátin videoǵa túsirgen Nur-Sultan turǵyny Baqyt Chetenova eshkim alǵys aitpaǵanyn málimdedi, - dep habarlaidy Tengrinews.kz tilshisi "Kazahstan Segodnia" Instagram-topqa silteme jasap.
Eske salaiyq, astanada kópqabatty turǵyn úidiń segizinshi qabatynan qulai jazdaǵan qyzdy qutqarǵan qyzylordalyq Sábit Shontaqbaev pen Saǵi Jylqyshievke Nur-Sultannan páter beriletin boldy. Sonymen qatar, eki er adamǵa jumysqa ornalasýyna jáne nesiesin jabýǵa kómek beriledi. Oqiǵa 11 mamyrda bolǵan edi.
Alaida video avtorynyń sózinshe, Baqytqa eshkim alǵys aitpaǵan.
"Olar naǵyz erlik jasady. Men Sábit úshin de, Saǵi úshin de óte qýanyshtymyn. Sábitke páter syilaǵandaryn estigende ony quttyqtaý úshin habarlastym. Biraq eshkim tutqany kótermedi.
Tipti Jeli qoldanýshylary: "Eger bul sátti eshkim videoǵa túsirmegende Saǵi men Sábittiń erligin eshkim baiqamas ta edi", - dep jatty. Men de solai oilaimyn. Video tipti Ulybritaniia, Koreia men AQSh-ta tarap ketti. Barlyq telearna sol videomen siýjet jasady. Biraq avtor retinde meni eshkim atap ótpedi. Tek bir sait meni avtor retinde belgilep ketken", - deidi Baqyt Chetenova.
