Búgin QR Premer-Ministri Baqytjan Saǵyntaevtyń tóraǵalyǵymen ótken Úkimet otyrysynda Prezidenttiń Bes áleýmettik bastamasyn iske asyrý barysy qaraldy.
«7–20–25» baǵdarlamasyn iske asyrý barysy týraly Ulttyq bank tóraǵasy Daniiar Aqyshev baiandady. Atalǵan baǵdarlama qazaqstandyqtardyń turǵyn úi jaǵdailaryn jaqsartýǵa baǵyttalǵan. Qatysý sharttary ótken jyldyń ortasynda bekitildi. Ipoteka naryǵyn damytý úshin zańnamalyq túzetýler engizildi. Baǵdarlama operatory – «Baspana» uiymy quryldy. Baǵdarlama 2018 jylǵy shildede iske qosyldy. Baǵdarlamany iske asyrýǵa 8 bank qatysady.
Biylǵy 17 qańtardaǵy jaǵdai boiynsha «7–20–25» baǵdarlamasy aiasynda 52 mlrd teńgege 4350 ótinim maquldandy. Osy ýaqytta 17 paiyz ótinish berýshige nemese 1237 ótinim boiynsha qaryz berýden bas tartyldy. Bas tartýǵa negizgi sebep - kredittik tarihynyń nasharlyǵy jáne jetkilikti kiristiń bolmaýy
«Baǵdarlamany iske asyrý barysy buqaralyq aqparat quraldarynda, áleýmettik jelilerde júieli túrde jariialanady. Táýlik boiy koll-ortalyq jumys isteidi. Ulttyq banktiń aýmaqtyq bólimsheleri men “Baspana” ipotekalyq uiymy barlyq óńirlerdegi halyqpen jáne eńbek ujymdarymen kezdesý ótkizýde. Halyqpen belsendi túrde túsindirý jumysyn júrgizýge 6 mln-nan astam azamat qamtyldy», — dedi D. Aqyshev.
QR Ulttyq banki Baǵdarlamany jandandyrý úshin birqatar sharany usynady:
-
turǵyn úige suranysty, demografiialyq ósimdi jáne halyq kóshi-qonyn eskere otyryp, turǵyn úi qurylysyn elimizdiń perspektivalyq óńirlerinde qamtamasyz
etý; -
JAO-ǵa «Baspana» IU qarajaty esebinen turǵyn úi salýǵa qarjy tartý quqyǵyn berý;
-
«Nurly jer» baǵdarlamasy boiynsha salynǵan úilerdi Turǵyn úi qurylys jinaq banki arqyly salymshylar men kezekte turǵandarǵa jáne barlyq azamattarǵa «7-20-25» baǵdarlamasy boiynsha ipotekalyq qaryzdar arqyly satý.
-
Turǵyn úi sertifikattaryn berý naqty sipatqa ie bolýy kerek jáne Baǵdarlamanyń basynda ǵana bolýy múmkin;
-
Úkimettiń Baǵdarlamaǵa menshik quqyǵynda baspanasy bar azamattarǵa qatysý quqyǵyn berý múmkindigin zerdeleýi;
"Bastapqy jarnany azaitý úshin qyzmetkerlerdiń jekelegen sanattaryna qoldaý kórsetilýde. Jeńildik berilgen ipoteka boiynsha bastapqy jarnany sýbsidiialaý tetigi engizildi. Ol áleýmettik jáne biýdjettik sala qyzmetkerlerine turǵyn úi sertifikattaryn berý arqyly júzege asyrylady. Jekelegen óńirler turǵyn úi sertifikattaryn berýge kirisip ketti. Mysaly, Astana ákimdigi 1 mln teńgege bastapqy jarnany sýbsidiialaý úshin muǵalimderge, dárigerlerge jáne politsiia qyzmetkerlerine 100 sertifikat berdi", - dedi Ulttyq bank tóraǵasy.
Osy rette ol turǵyn úi sertifikattaryn berý naqty sipatta bolýǵa tiistigin jáne baǵdarlama basynda ǵana bolýy múmkin ekendigin basa aitty.
"Baǵdarlamaǵa qatysý talaptarynyń biri - menshik quqyǵynda baspananyń bolmaýy. Sonymen qatar azamattardyń menshikti baspanasy bolyp, qosymsha baspana talap etiletin kóptegen jaǵdai da bar. Bul turǵyn úi talaptaryn jaqsartatyn kóp balaly otbasylar, balalaryna baspana satyp alatyn ata-analar, basqa geografiialyq óńirge kóshetin azamattar bolýy múmkin. Halyqtyń qajettiligin nazarǵa ala otyryp, Ulttyq bank Úkimetke baǵdarlamaǵa menshik quqyǵynda baspanasy bar azamattarǵa qatysý quqyǵyn berý múmkindigin zerdeleýdi usynady", - dedi D.Aqyshev.
Bes áleýmettik bastamanyń ekinshi baǵytyn iske asyrý aiasynda jalaqysy tómen jumysshylardyń eńbekaqysyn kóbeitý úshin olardyń salyq júktemesin azaitý boiynsha atqarylyp jatqan jumystar týraly ulttyq ekonomika birinshi vitse-ministri Rýslan Dálenov baiandady.
«Barlyq daiyndyq jumystary júrgizildi jáne aiaqtaldy. Zańnamalyq ózgerister 2019 jyldyń 1 qańtarynan bastap kúshine endi, salyq tóleýshilerdiń arasynda túsindirý jumystary júrgizildi, jergilikti biýdjetterdiń shyǵyndaryn óteý kózdelgen, normalar qoldanylýda», — dedi R. Dálenov.
Birinshi vitse-ministr zańnamalyq ózgeristerge qatysty, Salyq kodeksinde jalaqysy 63 125 teńgeden tómender úshin tártip ózgergenin aitty. Olardyń salyq júktemesi 10 ese tómendetildi jáne 2 mln-ǵa jýyq jumysshy jylyna 15 myń teńgege deiin qosymsha kiris alady.
Jergilikti biýdjetterdiń shyǵyndaryn óteý boiynsha aitar bolsaq, ózgerister jergilikti biýdjetterdiń shyǵyndaryna ákeledi. Osyǵan orai, atalǵan shyǵyndar respýblikalyq biýdjet komissiiasynyń otyrysynda qaraldy jáne maquldandy. Respýblikalyq biýdjette transfertter kózdelgen. Osylaisha, jergilikti biýdjetterdiń kiristeri jeńildikterdiń arqasynda azaimaidy.
Buǵan qosa, R. Dálenov barlyq jumys berýshiler ózgeristermen tanysqanyn, halyq arasynda túsindirý jumystary júrgizilgenin atap ótti.
Sonymen qatar, ekinshi bastamada jeke tabys salyǵynyń progressivti shkalasyn engizý múmkindigin zerdeleý tapsyrylǵan. Birinshi vitse-ministrdiń aitýynsha, halyqaralyq tájiribe zerdelendi jáne jaldamaly eńbekke aqy tóleýdegi aǵymdaǵy jaǵdaiǵa egjei-tegjeili taldaý júrgizildi.
Jalpy, QR UEM derekterine sáikes, jalaqysy tómen jumysshylardyń salyq júktemesin azaitý týraly tapsyrma oryndaldy.
