Jambyl oblysynda politseiler iri kólemdegi mal urlyǵyn ashty. Tergeý málimetinshe, Baizaq aýdanyndaǵy sharýa qojalyǵynyń qorasynan birneshe ret qoi urlanyp, jalpy shyǵyn 72 basqa jetken, dep habarlaidy ult.kz.
Atalǵan derek boiynsha Qylmystyq kodekstiń mal urlyǵy babymen sotqa deiingi tergeý bastaldy.
Jedel-izdestirý sharalary barysynda qylmysqa qatysy bar degen kúdikpen úsh er adam ustaldy. Olardyń biri osy sharýashylyqta buryn qoishy bolyp jumys istegen jáne qoranyń ornalasýy men mal baǵý tártibin jaqsy bilgen.
Tergeý kezinde urlanǵan maldyń bir bóligi tabylyp, iesine qaitaryldy. Kúdiktiler ýaqytsha ustaý izoliatoryna qamaldy.
Qazirgi ýaqytta istiń barlyq mán-jaiyn anyqtaýǵa baǵyttalǵan tergeý áreketteri jalǵasyp jatyr.
Politsiianyń málimetinshe, jyl basynan beri Jambyl oblysynda mal urlyǵyna qatysty 18 qylmys ashylyp, 32 adam ustalǵan. Sondai-aq mal urlaýmen ainalysqan 10 qylmystyq toptyń áreketiniń joly kesilgen.
