Kásipterdiń 70 paiyzyna kásiptik standarttar ázirleý qajet. Bul týraly «Atameken» QR Ulttyq kásipkerler palatasy Adami kapitaldy damytý departamentiniń direktory Azamat Beisenbenov aitty, dep habarlaidy QazAqparat.
«Mundai zań (QR Prezidenti Joldaýynda aitylǵan «Kásibi biliktilikter týraly» zań) bilimge jumys berýshiler qoiatyn talaptardy retteitin bolady. Bular kásiptik standarttar. Qazirgi ýaqytta bizde 580-nen astam kásiptik standarttar bekitilgen. Degenmen, bul barlyq kásipterdiń tek qana 30 paiyzyn quraidy», - dedi ol «Joldaý 2021: iske asyrý joldary» taqyrybyna arnalǵan dóńgelek ústel otyrysy barysynda
Onyń atap ótýinshe, bul baǵytta atqarylýy tiis jumys kólemi óte úlken.
«Iaǵni, alda jumystyń úlken kólemi tur. 70 paiyz kásiptik standarttar ázirleý qajet. Kásibi biliktilikter týraly atalǵan zań aiasynda bul jumystardy úilestirýmen ainalysatyn jeke organnyń qurylatyndyǵyna úmit bar. Árbir salada mundai kásiptik standartyń bolýy óte mańyzdy», - dedi Azamat Beisenbenov.
Eske salsaq, 1 qyrkúiek kúni QR Prezidenti Qasym-Jomart Toqaev «Halyq birligi jáne júieli reformalar – el órkendeýiniń berik negizi» atty halyqqa Joldaýyn jariialady.
