Foto: pexels.com
Tamyz aiynda "7-20-25" baǵdarlamasy aiasynda ipotekany nebári 400-den astam qazaqstandyq ala aldy. Berilgen nesielerdiń jartysynan kóbi Astana men Almatyǵa tiesili boldy. Bul týraly Ulttyq bank esebine silteme jasaǵan "Ult aqparat".
"7-20-25" jeńildetilgen turǵyn úi baǵdarlamasy Qazaqstanda óz jumysyn jalǵastyrýda. Degenmen, sońǵy aida jańa kreditterdiń berilý qarqyny aitarlyqtai tómendedi. Eger shilde aiynda 723 qazaqstandyq turǵyn úi nesiesin rásimdese, tamyz aiynda Ulttyq bank málimetteri boiynsha, olardyń sany nebári 462 adamdy qurady.
Tamyz aiynda Astanaǵa 193 nesie, Almatyǵa 135 nesie, al Shymkentke nebári 26 nesie tiesili boldy. Qalǵan 108 ipotekalyq nesie Qazaqstannyń basqa aimaqtarynda rásimdeldi.
28 tamyzdaǵy jaǵdai boiynsha "7-20-25" baǵdarlamasy aiasynda jalpy somasy 1,043 trln teńgege 75 805 ipoteka berildi: Astanada – 438,4 mlrd teńgege 27 608 nesie; Almatyda – 243,7 mlrd teńgege 15 526 nesie; Shymkentte – 70,9 mlrd teńgege 5 608 nesie; basqa aimaqtarda – 290 mlrd teńgege 27 063 nesie.
Qosa keteiik, 7-20-25 baǵdarlamasy qazirgi kezeńde tómen protsenttik mólsherlememen tiimdi ipotekalyq baǵdarlama - 7% (JTSM - 7,2%) bolyp tabylady, alǵashqy tólem mólsheri turǵyn úi qunynyń 20% mólsherinde anyqtalady (turǵyn úidiń maksimaldy quny) – Astana, Almaty (qala mańyndaǵy aýdandardy qosa alǵanda), Aqtaý, Atyraý, Shymkent qalalaryna - 25 mln. teńge, Qaraǵandy qalasy úshin - 20 mln. teńge jáne basqa óńirler úshin - 15 mln. teńge, qaryzdy jabý merzimi 25 jylǵa deiin ulǵaityldy. Qaryz alýshydan qaryzdy usynǵany jáne qyzmet kórsetkeni úshin eshqandai komissiia alynbaidy.
"7-20-25" baǵdarlamasy boiynsha qaryz alý úshin jeke tulǵa kelesi talaptarǵa jaýap berýi tiis:
- - Qazaqstan Respýblikasynyń azamattyǵy;
- Menshik quqyǵymen Qazaqstan Respýblikasynyń aýmaǵynda turǵyn úidiń bolmaýy;
- Kásipkerlik nemese eńbek qyzmetinen turaqty rastalǵan kiristiń bolýy;
- Ipotekalyq kreditteri joq;
