7 287 qazaqstandyq stýdent QR BǴM «Qarjy ortalyǵy» AQ kómegimen bilim nesiesin aldy, dep habarlaidy "Ult aqparat".
Uiym nesieler boiynsha kepildik beredi. Nátijesinde talapkerler men stýdentter negizgi qaryz somasyn tóleý merzimin 10 jylǵa deiin uzartyp, nesie ala alady.
Baǵdarlama memlekettik bilim grantyn utyp almaǵan talapkerler men stýdentterdi qoldaýǵa arnalǵan.
Esterińizge sala keteiik, biyl grant sany 5 myńǵa artyp, bakalavriatqa – 56 myń, magistratýraǵa – 13 myńnan astam jáne doktorantýraǵa túsý úshin 1800-den asty.
Memlekettik bilim grantyn utyp almaǵan talapkerler memleket kepildigimen nesie rásimdeý arqyly oqý aqysyn tólei alady.
Bilim alý úshin qarajatty qazaqstandyq joǵary oqý oryndarynyń kez kelgenine jiberýge bolady.
«Bilim nesiesin alǵan stýdent oqýyn aiaqtaǵannan keiin 6 aidan soń negizgi qaryz somasyn ótei bastaidy. Nesie somasy shektelmegen, eń bastysy, ol oqý qunynan aspaýy tiis. Sondai-aq túlek aiyppul sanktsiiasynsyz qaryzdy merziminen buryn tólei alady», – dep habarlady Bilim jáne ǵylym ministrligi.
Nesieni ekinshi deńgeili bankter arqyly rásimdeýge bolady. Talapker bilim nesiesin alý úshin seriktes qaryz alýshyny usynýy qajet.
Ol bankke jumys ornynan sońǵy 6 aidaǵy kirisi men zeinetaqy aýdarymy týraly anyqtama tapsyrýy tiis.
Sonymen qatar seriktes bankterdiń árqaisysy qaryz alýshyǵa qoiylatyn talaptar men oqý aqysyn tóleýge nesie berý sharttary kórsetilgen jeke baǵdarlama ázirlegen.
Banktiń oń sheshiminen keiin bank qaryz shartyn jasap, kredit somasy oqý ornynyń shotyna aýdarylady.
