Elbasynyń bes áleýmettik bastamasy qoǵam ishinde qyzý qoldaýǵa ie boldy. Ásirese, turǵynúi salasy boiynsha jasalǵan negizgi baǵyttar kópshilik nazaryn aýdaryp, erekshe qyzyǵýshylyq týdyrdy.
Memleket basshysy kótergen «7-20-25» ideiasy buǵan deiin de halyq yqylasyna bólengen «Nurly jer» baǵdarlamasymen úndesip, jańa serpin aldy.
Búgin Parlament Senatynda osy taqyryp keńinen talqyǵa tústi. Memleket basshysynyń «Tórtinshi ónerkásiptik revoliýtsiia jaǵdaiyndaǵy damýdyń jańa múmkindikteri» atty Joldaýy aiasynda «Nurly jer» turǵyn úi qurylysy baǵdarlamasyn iske asyrý barysy týraly» arnaiy dóńgelek ústel otyrysy ótti.
Basqosýdy Senattyń ekonomikalyq saiasat, innovatsiialyq damý jáne kásipkerlik komitetiniń tóraǵasy Asqar Beisenbaev ashyp, sóz sóiledi. Ol «Nurly jer» baǵdarlamasy Elbasy N.Á.Nazarbaevtyń tapsyrmasyn júzege asyrý úshin ázirlengenin tilge tiek etti. Baǵdarlama iske qosylǵan bir jyl ishinde 11,2 million sharshy metr rekordty turǵyn úi salynǵandyǵyn atap ótti. Bul árine óte jaqsy kórsetkish. Baspana máselesi aldyńǵy kezekke shyqqan kezde ońynan sheshimin tabar ózgeristerge bastary anyq.
Árine, bastama nátijeli bolýy úshin aldyn alý sharalary tolyq júrgizilýi tiis. Qaltarys-bultarystary naqty zerdelenip, kedergilermen kúres máselesi de jolǵa qoiylýy tiis. Senator buo rette baǵdarlamany iske asyrýǵa teris áser etetin ózekti máselelerge arnaiy toqtalyp ótti.
Naqtyraq aitsaq, Asqar Beisenbaev turǵyndardyń áleýmettik álsiz toptaryna satyp alý quqyǵy joq jalǵa beriletin turǵyn úiler qurylysyna bólinetin qarjynyń jetispeýshiligin, jergilikti atqarýshy organdardyń nysandardy ýaqytynda paidalanýǵa bermeýin, ekinshi deńgeidegi bankterdiń kelisý rásimderi men basqa da biýrokrattyq rásimderdiń kúrdeli ekenindigin aitty.
Senat komitetiniń tóraǵasy budan basqa Elbasynyń bes áleýmettik bastamasyndaǵy «7-20-25» baǵdarlamasy aiasynda daiyndalǵan «Nurly jer» baǵdarlamasyna engiziletin ózgeristerge de toqtaldy.
Asqar Beisenbaevtyń aitýynsha, ókiletti memlekettik organdar ózgeristerdi naqty pysyqtap, ózekti máselelerdi ýaqytynda sheshýi qajet. Áitpese, keiin san soǵyp qalý zardabyn qarapaiym halyq tartady.
Investitsiialar jáne damý ministriniń orynbasary Qaiyrbek Óskenbaev «Nurly jer» baǵdarlamasyn 2017 jyly jáne 2018 jyldyń alǵashqy toqsanynda iske asyrýdyń negizgi indikatorlaryna toqtalyp ótti. Sondai-aq, baǵdarlamanyń jańa Tujyrymdamasyn kópshilikke tanystyrdy. Byltyr 100 myńnan astam otbasy, onyń ishinde 25,2 myń otbasy memleket qarjysy esebinen ózderiniń turǵyn úi jaǵdaiyn jaqsartqan. Atalǵan salaǵa investitsiia salý kólemi 2017 jyly 18 paiyzǵa ulǵaiǵan jáne 980 milliard teńgeni quraǵan.
Ulttyq banki tóraǵasynyń orynbasary Oleg Smoliakov «7-20-25» baǵdarlamasynyń jumys tetikteri jáne baǵdarlama aiasynda qaryz berýdiń sharttary týraly depýtattardy habardar etti. Onyń sózinde aitylǵandai, qaryz eńbek jáne kásipkerlik qyzmetten resmi túsetin kirisi bar jáne turǵyn úii joq azamattarǵa beriledi.
Senat depýtaty Mihail Bortnik zańnamany jetildirý, onyń ishinde halyqtyń turǵyn úi qurylysy jinaǵyna tólem talaptaryn kórsetýdi retteýge qatysty máselelerge toqtaldy. Senator satyp alý quqyǵy joq turǵyn úilerdiń jalǵa berý tetikterin iske asyrý jáne turǵyn úige satyp alý quqyǵyn qaitarý múmkindigi máselelerin kóterdi.
Sonymen qatar Mihail Bortnik baǵdarlama aiasynda aýyldyq eldi-mekenderdegi, eń aldymen qala mańy kentterindegi turǵyn úi qurylysyna budan da qarqyn berýge úndedi. Jiyn barysynda «Báiterek» ulttyq basqarý holdingi» AQ, «Shar-Qurylys» JShS, «Qazaqstan turǵyn úi qurylysy jinaq banki» AQ jáne «TsentrKreditBanki» AQ basshylary sóz sóiledi.
Basqosýǵa qatysýshylar «Nurly jer» baǵdarlamasyn budan da tiimdi iske asyrýǵa kedergi bolyp otyrǵan ózekti máselelerdi sheshý jóninde pikir almasty. Halyqtyń áleýmettik álsiz toptary turǵyn úi qurylysyn salýǵa qarjylandyrý kólemin arttyrý jáne injenerlik kommýnikatsiiany júrgizý týraly usynys-pikirler aityldy.
Sondai-aq, senatorlar nysandardy ýaqytynan kesh paidalanýǵa berýge jáne qurylysty salý kestesinen keiin qalýǵa jol bermeý úshin sharalar qabyldaýdy talap etti. Dóńgelek ústeldiń qorytyndysy boiynsha usynystar ázirlendi jáne ol Úkimetke, jergilikti atqarýshy organdar men basqa da múddeli uiymdarǵa jiberiletin boldy, jáne de zań shyǵarý jumystary barysynda Senat depýtattarynyń eskeretini aityldy.
