Foto: ashyq derekkóz
Jumyssyzdyq pen infraqurylymnyń jetispeýi saldarynan 2024 jyly 6,7 myńnan astam adam aýyldan kóship ketken. Bul týraly juma kúni ótken QR Parlamenti Palatalary birlesken otyrysynda aityldy, dep habarlaidy Ult.kz.
«Joǵary aýditorlyq palata bul úrdisti naqty atap ótken. Mikrokredit, jeńildetilgen nesie – bul tek qural. Eger aýylda turaqty jumys, qoljetimdi baspana, mektep, meditsinalyq pýnkt jáne mádeniet úii bolmasa, bul baǵdarlamalar uzaqmerzimdi nátije bere almaidy», ‒ dep atap kórsetti «Aýyl» partiiasy fraktsiiasynyń jetekshisi S. Egizbaev.
2024 jyly agroónerkásip keshenin damytýǵa 575 mlrd teńge bólinse, onyń tek 86%-y ǵana igerilgen. Al sońǵy bes jylda aýyl sharýashylyǵyn sýbsidiialaýǵa 2,2 trln teńge bólingenimen Joǵary aýditorlyq palatasynyń esebinde 142 mlrd teńgeniń maqsatsyz jumsalǵany anyqtalǵan.
Jumyssyzdyq jáne aýyldan kóshý
Aýyl sharýashylyǵy — eń tómen jalaqy tólenetin sala bolyp otyr. Ortasha ailyq jalaqy — 262 myń teńge, al resmi tirkelgen qyzmetkerler sany bar bolǵany 1,6 paiyz eken.
«Bul – aýylda kóleńkeli jáne maýsymdyq jumystyń keń taralǵanyn, áleýmettik qorǵalmaý men bolashaq zeinetaqynyń joqtyǵyn kórsetedi. Memlekettik qoldaý tek tehnika men sýbsidiiaǵa emes, eń aldymen — aýyl turǵynyna baǵyttalýy qajet. Jumyssyzdyq pen infraqurylymnyń jetispeýi saldarynan 2024 jyly 6,7 myńnan astam adam aýyldan kóship ketken. Joǵary aýditorlyq palata bul úrdisti naqty atap ótken. Mikrokredit, jeńildetilgen nesie – bul tek qural. Eger aýylda turaqty jumys, qoljetimdi baspana, mektep, meditsinalyq pýnkt jáne mádeniet úii bolmasa, bul baǵdarlamalar uzaqmerzimdi nátije bere almaidy», ‒ deidi Egizbaev.
Budan bólek jiynda aýyldaǵy fermerlerdiń máselesi, sý tapshyǵy, infroqurylymnyń men densaýlyq saqtaý salalaryndaǵy ózekti máseleler kóterildi.
