© Photo: «Ulttyq aqparattyq tehnologiialar» AQ baspasóz qyzmeti
Qarjy vitse-ministri Erjan Birjanov naýryz aiynan beri qaryzy bar adamdy bankrot retinde jariialaý ne sebepti uzaqqa sozylǵanyn túsindirdi, dep habarlaidy Sputnik Qazaqstan.
Jeke tulǵalardyń bankrottyǵy týraly zań naýryz aiynda kúshine engen bolatyn. Sodan beri 70 myńǵa jýyq aryz túsken.
"70 myń aryzdy óńdeý aiasynda qazirgi tańda 6 400 adam bankrot dep tanyldy. Bankrot bolǵan adamdardyń az bolý sebebin túsindire keteiin. Zań boiynsha biz naýryz aiynan bastap alǵan aryzdarǵa alty ai boiy monitoring júrgizdik. Saraptama jumystaryn ótkizgennen keiin qyrkúiek aiynan bastap bankrot mártebesin resmi túrde bere bastadyq", - dedi Birjanov ortalyq kommýnikatsiialar qyzmetinde ótken brifingte.
Onyń aitýynsha, bankrottyq rásimi kezinde memlekettik organdar ótinish bergen adam týraly aqparatpen de almasyp turady. Sonyń negizinde tiisti sheshim qabyldanady. Al aryzdar onlain rejimde qabyldanady.
"Bankrot dep tanylǵan 6,4 myń adamnyń bereshek somasy 9 milliard teńgeni qurady. Onyń bári alynyp tastaldy. 3,5 myńnan astam azamattyń qaryz merzimi 5 jyldan asyp ketti. Áleýmettik tólemder alatyndar da bar. Olardyń sany – 645 adam", - dep atap kórsetti vitse-ministr.
