Jambyl oblysy Qordai aýdany aýmaǵynda erteńnen bastap karantin rejimi engiziledi, - dep habarlaidy oblys ákiminiń baspasóz qyzmeti.
Koronavirýs indetiniń jańa jaǵdailarynyń tirkelýine bailanysty Jambyl oblysynyń bas memlekettik sanitarlyq dárigeriniń qaýlysymen Qordai aýdany aýmaǵynda 2020 jyldyń 6 sáýiri saǵat 00.00-den bastap karantin rejimin engizý týraly sheshim qabyldandy.
Ol boiynsha erekshe talaptary bar sharýashylyq jáne (nemese) ózge de qyzmetter men turǵyndar tirshiligine birqatar shekteýler qarastyrylǵan. Olardyń arasynda: Jol júrý ýaqyty saǵat 10-00-den 19-00-ge deiin shektelgen tranzittik júk kólikterin qospaǵanda, kóliktiń barlyq túrleriniń shekara arqyly ótýine jáne azamattardyń jaiaý ótýine tyiym salynady.
Birqatar ruqsat etilgen kólikterden basqa, avtokólik quraldarynyń barlyq túrleriniń jáne azamattardyń aýdan aýmaǵyna (aýmaqtan) kelýine jáne shyǵýyna tyiym salynady:
Azyq-túlik taýarlaryn tasymaldaýdy qospaǵanda, eldimekender arasynda júrip-turýǵa tyiym salynady;
Aýdannyń eldimekenderi arasynda jáne odan tys jerlerde jolaýshylar tasymalynyń barlyq túrleriniń qyzmetine tyiym salynady.
Kelesi jaǵdailardy qospaǵanda, aýdan aýmaǵynda adamdardyń jáne jeke kóliktiń júrip-turýyna tyiym salynady:
65 jastan asqan adamdarǵa kóshege shyǵýǵa tyiym salynady, olar úshin Qordai aýdandyq jumyspen qamtý jáne áleýmettik baǵdarlamalar bóliminiń jáne eriktiler uiymdarynyń kúshimen arnaiy kútim sharalary uiymdastyrylady.
Azamattarǵa jeke tazalyq-qorǵaný quraldaryn paidalaný usynylady.
Týysqandaryna, tanystaryna, kórshilerine, áriptesterine jáne t. b. barýǵa tyiym salynady.
Otbasy múshelerin qospaǵanda, 3 adamnan artyq toptasyp júrýge, sondai-aq eresek adamdardyń erip júrýinsiz kámeletke tolmaǵandardyń kóshege shyǵýyna jol berilmeidi.
Aita keteiik, bulardan bólek ózge de shekteýler qarastyrylǵan. Olardy aýdan turǵyndary ustanýǵa jáne barynsha saqtaýy tiistigi kórsetilgen.
