QR Memlekettik qyzmet isteri agenttigi tarapynan júrgizilgen tekserýler nátijesinde 90 paiyz jaǵdaida qyzmet alýshylardyń quqyqtary qalpyna keltirildi. Jyl basynan beri jergilikti atqarýshy organdar qyzmetkerleriniń is-áreketine qatysty 184 ótinish kelip tústi, dep habarlaidy "Ult aqparat".
«Osynyń negizinde agenttik jáne aýmaqtyq bólimsheler tarapynan 101 jospardan tys tekserý júrgizilip, nátijesinde 40 ótinish ieleriniń keltirgen faktileri dálelin tapty. Azamattardyń shaǵymdary boiynsha tekserý qorytyndysymen memlekettik organdar men olardyń vedomstvolyq baǵynysty mekemeleriniń 48 qyzmetkeri túrli tártiptik jaýapkershilikterge tartyldy», - delingen agenttik baspasóz qyzmetiniń málimetinde.
Sonymen qatar, kelip túsken ótinishter negizinde 6 laýazymdy tulǵa ákimshilik jaýapkershilikke tartyldy.
Mysaly, MQIA Jambyl oblysy boiynsha departamentine Qordai aýdanynyń turǵyny B. Kishkenebaev Qordai aýdany ákimdiginiń sáýlet, qala qurylysy jáne qurylys bólimimen «Tireý jáne qorshaý konstrýktsiialaryn, injenerlik júieler men jabdyqtardy ózgertýge bailanysty qoldanystaǵy ǵimarattar men qurylystardyń úi-jailaryn rekonstrýktsiialaý úshin bastapqy materialdardy (sáýlet-josparlaý tapsyrmasy jáne tehnikalyq sharttar) jańadan salýǵa ruqsat berý týraly» memlekettik kórsetiletin qyzmetin kórsetýden negizssiz bas tartýy boiynsha shaǵymdandy.
B.Kishkenebaevtyń shaǵymynyń negizinde Departament tarapynan Bólimde jospardan tys tekserý júrgizilip, nátijesi boiynsha ótinishte kórsetilgen faktiler rastaldy.
Anyqtalǵan zań buzýshylyqtar negizinde bólimniń basshysy E.Mendekeev QR ÁQBtK 465 babynyń 2-tarmaǵymen ákimshilik jaýapkershilikke tartyldy jáne 15 AEK kóleminde aiyppul salyndy.
Nátijesinde, B.Kishkenebaevqa 2021 jylǵy 19 naýryzda qyzmet kórsetýdiń oń nátijesi berildi.
