Juma kúni Qazaqstannyń basym aýmaǵynda aýa raiy qubylmaly bolady – kei jerlerde naizaǵai oinap, jańbyr jaýady, jel kúsheiip, daýyl turady, burshaq jaýýy múmkin, batysta jáne soltústikte tuman túsedi, dep habarlady Qazgidromet. Tek batysta kún ashyq bolady.
Juma, 6 qyrkúiek kúni Qostanai oblysynyń kei jerlerinde naizaǵai oinap, sekýndyna 15-20 metr jyldamdyqpen jel soǵady.
Soltústik Qazaqstan oblysynda juma kúni kúshti jel soǵady, ekpini sekýndyna 28 metrge jetedi, kei jerlerde tuman túsip, daýyl turady.
Aqmola, Qostanai, Almaty, Qyzylorda, Jambyl, Túrkistan, Shyǵys Qazaqstan oblystarynda kei jerlerde jeldiń kúshi sekýndyna 15-20 metrge deiin kúsheiedi, Aqmola jáne Túrkistan oblystarynda burshaq bolýy múmkin.
Pavlodar, Qaraǵandy oblystarynda kei jerlerde jeldiń kúshi sekýndyna 15-20 metrge deiin kúsheiedi.
Túrkistan, Atyraý, Qyzylorda, Jambyl, Qaraǵandyda, Almaty, Aqtóbe oblystarynyń kei jerlerinde tótenshe órt qaýpi saqtalady.
Juma kúni Nur-Sultan qalasynda naizaǵai oinap, jańbyr jaýady dep boljanýda. Túnde aýa temperatýrasy 7-9 gradýsqa deiin tómendeidi, kúndiz 14-16 gradýs jyly bolady.
Sinoptikter Almatyda da jańbyr jaýady dep boljaidy. Túnde 12-14 gradýs, kúndiz 21-23 gradýs jyly bolady.
Shymkentte kóshpeli bult shyǵady, túnde aýa temperatýrasy 10-12 gradýs, kúndiz 21-23 gradýs jyly bolady.
