Foto: ashyq derekkóz
Ulybritaniiadaǵy maýsymdyq aýyl sharýashylyǵy jumystaryna baryp kelgen qazaqstandyq azamatshanyń eńbek jaǵdailary men tabys kólemi týraly rekrýter Alma Jandáýletova aityp berdi, dep habarlaidy Ult.kz.
Symbat alǵash ret Britaniiaǵa 2024 jyly barǵan. Ol kezde ashyq alqapta jumys istep, aýyr klimattyq jaǵdaida eńbek etýge týra kelgen. 2025 jyly oǵan joly bolyp, tanystary arqyly jylyjaidaǵy ónimderdi býyp-túiý jumysyna ornalasqan.
Onyń aitýynsha, jumysqa elden arnaiy agenttikter arqyly jiberiledi. Maýsymdyq jumysshylarǵa beriletin UK Seasonal Worker vizasy bar bolǵany alty aiǵa ǵana rásimdeledi. Jol shyǵyny, viza jáne jataqhana aqysy agenttik tarapynan aldyn ala tólengenimen, keiin jumysshynyń jalaqysynan ustalady. Tamaq pen turmystyq taýarlardy Symbat óz qarajatymen satyp alyp otyrǵan.
Qiyn eńbek jáne minimaldy jalaqy
Ashyq alqaptaǵy jumys klimatqa bailanysty óte aýyr: jaýyn, ókpek jel, sýyq aýa raiy, únemi eńkeiip jumys isteý — negizgi qiyndyqtar. Jalaqy Ulybritaniiada aýyl sharýashylyǵy sektoryna belgilengen eń tómengi tarifpen — saǵatyna 11,45 fýnt sterling (salyq ustalǵanǵa deiin) tólenedi. Kúndelikti eń az jumys ýaqyty — 8 saǵat, alaida kóptegen jumysshylar kóbirek tabys úshin 10–12 saǵatqa deiin eńbek etedi.
Symbattyń sózinshe, egistikterde kóbine Orta Aziia, Ýkraina, Bolgariia jáne Rýmyniia azamattary jumys isteidi. Al Qazaqstannan barǵan er adamdardyń birqatary sońǵy jyldary Londonǵa qashyp, zańsyz migranttar qataryna qosylǵandyqtan, agenttikter endi negizinen otbasyly áielderdi qabyldaýǵa beiim bolǵan.
6 ailyq eńbektiń nátijesi — 6 million teńge
Alty ai boiy úzdiksiz eńbek etken Symbat Qazaqstanǵa shamamen 6 million teńgege jýyq tabyspen oralǵan. Ol bul somany Qazaqstanda deklaratsiialaýy kerek ekenin, tipti qosymsha salyq tóleýi múmkin ekenin aitady.
Degenmen, fizikalyq aýyr jumys jáne balalaryn anasyz biraz ýaqytqa qaldyrýǵa májbúrlik ony qaita barmaý jóninde sheshim qabyldaýǵa itermelegen.
Sarapshy pikiri
Alma Jandáýletova jumysshylardy irikteý kezinde basty talap — jas jáne densaýlyǵy myqty adamdar ekenin aitady. Kópbalaly, tabysy tómen otbasylardan shyqqan áielder bul baǵdarlamaǵa jii qabyldanady.
Maman-rekrýterdiń aitýynsha, eger adam Qazaqstanda da dál sondai eńbek qarqynyn saqtap, kúnine 8–12 saǵat úzdiksiz jumys istese, ishimdik pen ziiandy ádetterge jol bermese, óz elinde de aiyna 1 million teńgege deiin tabys tabýǵa múmkindigi bar.
