The New York Times 2019 jyly engiziletin besinshi býyndaǵy uialy bailanys, iaǵni 5G týraly jazyp, munyń adamdardyń smartfon men basqa da qurylǵylardy paidalanýyna qalai áser etetini týraly material jariialady.
«2019 jyly tehnologiia salasynda úlken jańalyqtardyń biri oryn alady. Uialy bailanys júiesi jańartylyp, birneshe aidan keiin uialy telefondarda iske qosylady. 5G tek mobildi bailanysqa ǵana emes, málimetter jinaityn jáne jiberetin óndiristik robottarǵa, baqylaý kameralary men avtokólikterge de áser etetin bolady. Bul jańa dáýir 4G symsyz tehnologiialaryn basyp ozyp, sapasy joǵary filmderdi sanaýly sekýndta júktep alýǵa múmkindik beretin joǵary jyldamdyqty mobildi internet usynady. Sonymen qatar, sport, videooiyndar men onlain saýdaǵa da áser etedi», deidi avtor maqalada.
Onyń aitýynsha, 5G aldyńǵy qatarly tehnologiialar men jasandy intellektini paidalaný aýqymyn arttyrady.
«5G virtýaldy shyndyq salasyna erekshe áser etetin bolady. VR qosymshalardyń sapasy artyp, meditsinada da jańa múmkindikterge jol ashylady. Ásirese, hirýrgiiada kóp ózgeris kútiledi», dep jazady avtor.
Onyń aitýynsha, 5G Amerika Qurama Shtattarynda 2019 jyldyń ekinshi toqsanynda iske qosylady.
