Ýesterdiń shetinde ornalasqan alpaýyt Bosch kompaniiasynda 400 mashina men 1,200 jumysshy konveierdegi mashina jinaý protsesin basqarady. Eger qandai da bir mashinada aqaý tabylsa, konveier tolyqtai toqtap, mashinanyń jetpei turǵan bólshegi tabylǵansha kútedi. Al qazir sensorly júieniń kómegimen sondai kedergilerdiń aldyn alyp, óndiristi toqtatpaýdyń amalyn jasaýǵa bolady.
Bosch Britaniiadaǵy 5G ornatylǵan óndiris oryndarynyń alǵashqysy sanalady. Barclays-tyń aitýynsha, ol Ulybritaniianyń ekonomikasyn jyl saiyn 15,7 milliard fýnd sterlingke arttyrady. Odan buryn qoldanysta bolǵan 4G júieleri óndiris oshaqtarynda asa paidaly bolmady, sebebi olardyń jiilik diapazony júzdegen mashinadan keletin signaldardy millisekýndtyq naqtylyqpen baqylaýda ustai almaityn.
Al 5G-diń múmkindikteri odan joǵary bolǵandyqtan, ol óndiris oryndarynan da basqa sektorlarǵa paidasyn tigize alady. Qualcomm-nyń aitýynsha, 2035 jylǵa qarai 5G bailanysy tamaq óndirisi men qyzmet kórsetýde, saýda-sattyq pen densaýlyq saqtaýda, bilim berý men transport salasynda, kóńil kóterý jáne ózge de salalardy qosa eseptegende 12,3 trillion AQSh dollaryna jetetin paida ákele alady.
Osy rette 5G-diń álemdik ekonomikaǵa tigizetin eń úlken úlesi men jańalyǵy – adamdardyń alystan jumys isteý múmkindiginiń paida bolýy.
Jyraqtan operatsiia jasaityn dárigerler
Máselen, densaýlyq saqtaýdy alaiyq. Hirýrgtar alystan virtýaldy skalpeldiń kómegimen ota jasap, barlyq protsesti alystan basqara alady. Al shynaiy skalpeldi basqa dárigerler ustap, kesip turady. 5G bailanysy arqasynda aqparat pen beine asa dáldikpen jetkizilip, shynaiy ýaqyt keńistigin saqtaýǵa bolady.
Sonymen qatar, telemeditsina naryǵy aldaǵy on jylda 17 ret ósip, 2022 jylǵa deiin 64 milliard AQSh dollaryna deiin paida ákeledi degen boljamdar bar. Bunyń barlyǵy da densaýlyq saqtaýdaǵy eń úzdik servisti tómen baǵada kópshilikke qoljetimdi etýdiń amaldary deýge bolady.
Qazirdiń ózinde aýrýhanalardy jańa tehnologiiamen jabdyqtaý qolǵa alyndy. Aǵymdaǵy jyldyń qańtar aiynda Qytaida 5G bailanysy kómegimen alystan jasalatyn alǵashqy operatsiia boldy. Hirýrgtyń aitýynsha, derekterdiń kedergige túsýin barynsha tómendetkende operatsiiany aiaqtaýǵa múmkin boldy. Ericsson kompaniiasynyń jaqynda jasaǵan málimdemesine orai, 5G alystan jasalatyn operatsiialar úshin mindetti bolady.
Ózge salalardaǵy ózgerister
Qashyqtan jumys isteý siiaqty artyqshylyq tek meditsinamen shektelmeidi. Sonymen qatar, jyl saiyn myńdaǵan adam opat bolatyn ken qazý isin de avtomattandyrýǵa bolady. Sol sebepten olar alystan basqarylatyn, tolyqtai avtomattandyrylǵan mashinalardy tájiribeden ótkizip jatyr.
Aǵymdaǵy jyly Telia telefon bailanys kompaniiasy Volvo men seriktestigi týraly habarlady. Al Ericsson-nyń Shvetsiianyń Eskilstýna qalasyndaǵy ken ornynda jumys isteitin mashinalary 5G men bailanysyp, alystan basqarylatyn bolady.
Telia-nyń Shvetsiiadaǵy atqarýshy direktory Anders Olson: «Ken óndirisine 5G bailanysyn tartý óte oryndy sheshim. Ken qazýdaǵy protsesti avtomattandyrý jumysymyzdy jańa deńgeige shyǵaryp, ónimdilikti arttyrady. Alaida kompiýterlerdi aýyr kólikterge jalǵaǵan kezde úlken mólsherdegi derekterdi úzbei jetkizýge kepildik beretin sapaly bailanys kerek. 5G bizdiń osy máselemizdi sheship bere aldy», - deidi.
Qashyqtan jumys isteý odan ári damyp, basqa salalarǵa da jol tartty. Mysaly, Microsoft’s Hololens qosymsha shynaiylyq kózildikteri álemniń kez kelgen aimaǵynan golografiialyq derekterdi kórsetedi. Sońǵy úlgidegi kózildiriktiń kórý aimaǵy men jaryqtyǵy jaqsartylǵan, interfeisi men kózben baqylaý júiesi arqyly kez kelgen kúrdeli tapsyrmalardy tiimdi iske asyrýǵa bolady.
Kózildiriktiń baǵasy 3500 AQSh dollar turady. Bul qarapaiym tutynýshylarǵa emes, qurylys salasynyń jumyskerlerine arnaiy jasalǵan. Mamandar qashyqtaǵy qurylys obektilerin kórip, ondaǵy buzylǵan quraldardy jóndeýden ótkizip nemese jańa qyzmetkerlerdi oqyta alady. Sonda jumysshylardy arnaiy oqytýdan ótkizýdiń qajettiligi bolmaidy. Barlyǵy da jumys ornynda iske asady.
Microsoft’s Hololens tehnologiiasy 5G-di paidalana qoiǵan joq, biraq sonda da onyń salaǵa ákeler paidasy shash etekten bolaiyn dep tur. Al jaqynda shyǵatyn 5G-ge qosylǵan Hololens 2-ge úlken ózgerister ákeleri anyq.
Sóz sońynda, 5G mobildi bailanys bizdiń kásibimizge ózgeshe sipat beretinin alǵashqy tájiribeden kórip jatyrmyz. Endigi kezekte adamzat balasy ony igiligilikti jolda qoldanyp, el men jerdiń áleýetin arttyrsa bolǵany.
Maqalanyń túpnusqasy: telegraph.co.uk
