2019 jyldyń 8 aiynda 577 myń qazaqstandyq shamamen 129,9 mlrd teńge somasynda Memlekettik áleýmettik saqtandyrý qorynan (MÁSQ) tólemder aldy, dep habarlaidy "Ult aqparat".
«Keibir azamattar MÁSQ-dan birden birneshe tólem túrlerin alatyndyǵyn aita ketý kerek. Osylaisha, asyraýshysynan aiyrylǵan jaǵdaida tólenetin tólem somasy 6,3 mlrd teńgeni (tólemderdiń jalpy kóleminiń 4,9%), eńbek qabiletinen aiyrylǵan jaǵdaida – 9,1 mlrd teńgeni (7%), jumysynan aiyrylǵan jaǵdaida – 2,9 mlrd teńgeni (2,3%), júktiligine jáne bosanýyna, jańa týǵan balany (balalardy) asyrap alýǵa bailanysty tabysynan aiyrylǵan jaǵdaida – 52,1 mlrd teńgeni (40,1%), bala bir jasqa tolǵanǵa deiin onyń kútimine bailanysty tabysynan aiyrylǵan jaǵdaida – 59,5 mlrd teńgeni (45,8%) qurady», - delingen Eńbek jáne halyqty áleýmettik qorǵaý ministrliginiń málimetinde.
Júktiligine jáne bosanýyna, jańa týǵan balany (balalardy) asyrap alýǵa bailanysty analarǵa arnalǵan Memlekettik áleýmettik saqtandyrý qorynan tólenetin tólemderdiń ortasha mólsheri 416 400 teńgege jetti, al tólem alýshylardyń sany 134,7 myń adamdy qamtydy.
Bala bir jasqa tolǵanǵa deiin onyń kútimine bailanysty áleýmettik tólem mólsheri 31 052 teńgeni qurady, ony 353,8 myń qazaqstandyq aldy.
Jumysynan airylý jaǵdaiy boiynsha 47 myń adam áleýmettik járdemaqy aldy, onyń ortasha mólsheri 22 401 teńge somasynda. 45,6 myńnan astam qazaqstandyqqa asyraýshysynan airylý jaǵdaiynda tólemder tólendi, olardyń ortasha mólsheri 17 578 teńgeni qurady.
«Taǵy 82,9 myń azamat eńbek etý qabiletinen aiyrylǵan jaǵdaida áleýmettik tólem aldy. Tólemniń ortasha mólsheri 14 855 teńgeni qurady. Sonymen qatar, eńbek etý qabiletinen aiyrylý jáne asyraýshysynan aiyrylý boiynsha alýshylarǵa memlekettik biýdjet qarajaty esebinen tólemder júrgiziledi», - dep atalyp ótken habarlamada.
2019 jyldyń 8 aiynda MÁSQ-ǵa Mindetti áleýmettik saqtandyrý júiesiniń 5,9 mln qatysýshysy úshin jalpy somasy 161,9 mlrd teńge áleýmettik aýdarymdar kelip tústi. Tóleýshiler jalpy somasy 0,3 mlrd teńgege áleýmettik aýdarymdardy ýaqytyly aýdarmaǵany úshin ósimpul aýdardy. Esepti kezeńde biryńǵai jiyntyq tólemdi tóleýshiler sany 171,4 myń adamdy qurady.
